BYABULĒME BYA MU KINENWA KYA LEZA

Tonga na Tunangu Muntu wa Kwisonga Nandi

Solomone wāsongele bana-bakaji batōta baleza ba bubela pampikwa tunangu (1Ba 11:1, 2; w18.07 p. 18 mus. 7)

Bakaji ba Solomone bāalamuna mutyima wandi bityebitye (1Ba 11:3-6; w19.01 p. 15 mus. 6)

Yehova wāfītyīlwe Solomone bininge (1Ba 11:9, 10; w18.07 p. 19 mus. 9)

Bifwatulo: Kaka umo nkungakaji ulonga kifundwa kya Bible kya pa kasuku ne kulangulukila pa tutu umo nkungulume. 1. Tutu ulondolola ku kupwila. 2. Usapula mu bantu bavule. 3. Ukwasha ku mwingilo wa kukundula Njibo ya Bulopwe.

Kinenwa kya Leza kidingilanga bene Kidishitu bankunga besonge “enka mudi Mfumwetu kete.” (1Ko 7:39) Kadi shi muntu wabatyijibwa, ke kunenapo kala’mba wabwanya bisakibwa bya kwikala mwinē pobe muyampe. Ino langulukila pa bino bipangujo: Le uno muntu ukankwasha ñendelele kwingidila Yehova na mutyima wami onso? Le i bika byakadi mulonge bilombola’mba usenswe Yehova mu bitatyi byonso? Kumeso kwa kukwata butyibi bwa kwisonga na muntu, tūkija bidi mutyima umuyuke senene.