Le I Bitungo’ka Byowitungīle mu Uno Mwaka Mupya wa Mingilo?

Mu bitungo bya ku mushipiditu mubadilwa kintu kyo-kyonso kyotukimba kulonga mwanda wa kwingidila Yehova bininge ne kumusangaja. Bino bitungo bitukwashanga twendelele mu bubine, o mwanda i biyampe tupāne’mo kitatyi ne bukomo bwetu. (1Tm 4:15) Mwanda waka tufwaninwe kubandaula bitungo byetu kitatyi ne kitatyi? I mwanda ngikadilo ishintanga. Bibwanika padi ketukibwanyapo kufikila pa bitungo byotwetungīle pa kala, nansha padi ketudi bafikile’po, ino bitulomba kadi twitungile’ko bikwabo.

Kitatyi kiyampe kya kubandaula bitungo, i kumeso kwa mwaka mupya wa mingilo kushilula. Mubulwe’po kwisambila pa uno mwanda mu butōtyi bwenu bwa kisaka, muyuke bitungo bibwanya kwitungila muntu ne muntu ne bibwanya kwitungila kisaka?

Le i bitungo’ka bipotoloke byowitungīle pa bino bilonda’ko, ne i bika byolanga kulonga pa kusaka’mba ufikile’po?