Manwa a Kwifunda

Le I Muswelo’ka Otubwanya Nyeke Kuyuka Bujadiki bwa Mwivwanino Wetu?

I dyese dikatampe kwikala’ko mu kino kitatyi mutōkeja Yehova bityebitye mwivwanino wetu wa Bible kupita mafuku kunyuma. (Dan. 12:4) Nansha nankyo, tubwanya kukolelwa kuyuka nyeke bujadiki buletwa mu mwivwanino wetu wa bubine bwa mu Bible. Lelo i kwepi kotubwanya kutana buno bujadiki ne nshintulwilo yabo?

• Dibuku Index mu “Éclaircissements doctrinaux,” ditupa mulongo wa bujadiki bonso bulongelwe na kwibupanga mungya myaka. Pa kutana mulongo wa mitwe ya myanda, lemba “éclaircissement doctrinal” (wibyele mu tunwe) popa pa kukimbila mu Watchtower Library nansha mu Watchtower KIBĪKO PA ENTELENETE.

• Dibuku dya Bukimbi dya Batumoni ba Yehova didi na mulongo mwīpi wa bujadiki bupangwe mungya mitwe ya myanda. Enda pa “Batumoni ba Yehova,” kupwa mu “Mimweno ne Nkulupilo,” ebiya mu “Kujadikwa kwa Nkulupilo Yetu.”

Le mu kifundwa kyobe kya pa kasuku, wabulwapo kukimba bujadiki bwa panopano ne kukimba mwivwanino wetu wa pano ne kumona bubinga bwa mu Bisonekwa bwine bwalengeje kwikale kuno kushinta?