Mwanda Mumweke

Kulombola Lusa ku Bantu Bonso

Difuku dimo, kaka umo mu Nuvele-Zelande watadile video inena’mba, “Soucions-nous les uns des autres,” mine īsambila pa muswelo wivwananga Yehova lusa ne kwilulombola mu bilongwa. (Isa. 63:​7-9) Wakwete butyibi bwa kwingidija byaefundile na kukimba’ko mikenga ya kukwasha muntu kampanda. Difuku’dya ku kyolwa paadi ukapota byakudya ku mangajini, watene lolo umo ubudilwe mwa kushikata, wamusapwila’mba ukimba kumupotela byakudya. Lolo’wa waitabija. Kaka paamuletēle byakudya, wakwatakanya uno mukenga mwanda wa kumusapwila’ko myanda ya Yehova na kwingidija trakte inena’mba Le Masusu Akapwa?

Lolo’wa washilula kudila. Washintulula’mba watamīne mu kisaka kya Batumoni, inoko walekele bubine pano kepadi myaka mivule. Inoko mu mene mafuku’a, wadi ulombela Yehova amukwashe ajokele kwadi. Kaka wapa uno lolo Bible, bakwata nandi ne mpangiko ya kwifunda Bible.a

Tubwanya kwiula lusa lwa Yehova na kwilulombola ku bantu, kubadila’mo babutule ne batutu ne bakaka mu kipwilo. Kadi tubwanya kulombola lusa na kukimba’ko mikenga ya kupāna bukamoni.