Ingidija Kiyo Biyampe

Mwanā bwanga Yakoba wādingakenye Bible na kiyo kitukwasha tumone muntu wetu wa munda. (Yak. 1:​22-25) Le i muswelo’ka otubwanya kwingidija senene Bible pamo bwa kiyo?

Tanga na katentekeji. Shi twitale’tu mu kiyo bya bukidibukidi, ketukamonepo tuto tumo. Pa kuyuka muntu wetu wa munda mwine otufwaninwe kuta’ko mutyima, i biyampe twitale mu Kinenwa kya Leza na kutanga’kyo na katentekeji.

Witale nakampata abe mwine kutabuka bakwabo. Kiyo kisendeke kibwanya kulengeja umone’ko tuto twa bakwabo. Mo monka netu bikokeja kwitufikila twaingidija Bible mwanda wa kumona’mo bilubo bya bakwabo. Inoko kulonga namino kekuketukwashapo tulemunune bilubo byetu.

Ikala na bujalale. Shi tutala’nka bilubo byetu byotwimona mu kiyo, nabya tukatyumukwa mutyima. Tufwaninwe kwikala na bujalale potutanga Kinenwa kya Leza na kuleka kukimba bintu bitabukile pa byobya bitusakila Leza.—Yak. 3:17.