Wifunde na Kitungo kya Kusapwila’mo Bakwabo

Kwifunda kubwanya kwitutūkija mutyima, inoko tukatūkijibwa mutyima bininge shi tusapwila bantu bakwabo myanda ikankamika yotwefundile. Nkindi 11:25 inena’mba: “Yewa ense utūja bakwabo mutyima nandi ukatūkijibwa mutyima.”

Kusapwila bantu bakwabo myanda yotwefundile, kuketukwasha tuvuluke myanda mikatampe yotwefundile, kadi tukalumbulwila’ko bininge mwivwanino wetu. Kusapwila bantu bakwabo myanda yotwefundile, kwituletelanga nsangaji mwanda bamwenanga’mo.—Bil. 20:35.

Tompa ano manwa: Yenga ulonda’ko kimba’ko mukenga wa kusapwila muntu kampanda myanda yowefundile. Ubwanya kulonga namino na kusapwila muntu wa mu kyenu kisaka, muntu umo wa mu kyenu kipwilo, mwingidi-nobe, mukwenu wa ku masomo, mulondakani nobe nansha muntu okatana mu busapudi. Tompa kunena ino myanda mu byobe bishima, mu muswelo upēla, kadi wivwanikwa.

Vuluka: Sapwila bantu bakwabo myanda yowefundile mwanda wa kwibakankamika, inoko ke pa mwandapo wa kwibatulumuja.—1 Ko. 8:1.