Mwena mu Bisonekwa bya Kunyemena’ko

Bisonekwa bya kunyemena’ko bidi mu Bisonekwa Bijila Bwalamuni bwa Ntanda Mipya, bilombola muswelo ukwatañene Bible aye mwine na kukutuma ku bisonekwa bikwabo bibweja’ko myanda. Bisonekwa bya kunyemena’ko i bilombolwe mu vese na kadisomo katyetye kalamete ku kishima. Shi udi na Bible mutampe enda mu mukuku wa pa bukata nansha kufula kwa dyani umone disomo dikwatañene na dya mu vese pa kusokola bisonekwa bine byobakutumine’ko. Shi udi pa jw.org nansha mu JW Library^®, nabya toneka pa kadisomo amba bakuputwile bisonekwa bya kunyemena’ko.

Bisonekwa bya kunyemena’ko bibwanya kukulupwila ino myanda yoketutela nansha ne mikwabo:

Nsekununi Miifwane: Bisonekwa bya kunyemena’ko bibwanya kukulupwila nsekununi miifwane na ya mu kisonekwa kyowadi’mo. Kimfwa, tala 2 Samwele 24:1 ne 1 Bilongwa bya Mafuku 21:1.

Binenwa biselelwe kukwabo: Pano bisonekwa bya kunyemena’ko bikusapwila pene paselelwe binenwa byowadi utanga. Kimfwa, tala Mateo 4:4 ne Kupituluka mu Bijila 8:3.

Bupolofeto bufikidile: Pano bisonekwa bya kunyemena’ko bikulombola bupolofeto ne kufikidila kwabo. Kimfwa, tala Mateo 21:5 ne Zekadia 9:9.