Yesu “Wefundile Kikōkeji”

Yesu ukōkelanga Yehova. (Yoa. 8:29) Le pene’po, mwanda waka Bible unena’mba: “Wefundile kikōkeji ku masusu awāsusukile”?—Bah. 5:8.

Paādi pano pa ntanda, Yesu wātenwe mu ngikadilo keikalangapo kokwa kūlu. Wālelelwe na bambutwile bene Leza, inoko bampikwa kubwaninina. (Luka 2:51) Wāsuswilwe na bendeji ba bipwilo ba kasusu ne na bendeji ba politike ba bukondame. (Mat. 26:59; Mako 15:15) Kadi “wetyepeje waikala na kikōkeji kufika ne ku lufu” lubilubi.—Fid. 2:8.

Myanda yāpityile’mo Yesu yāmufundije kikōkeji mu muswelo wakādipo wa kwifunda’kyo momwa mūlu. Mu uno muswelo, wāikele ke Mulopwe ne Kitobo Mukatampe mubwaninine, mwine ubwanya kwitwivwanina lusa. (Bah. 4:15; 5:9) Yesu wāikele ke muntu mulēme ku meso a Yehova pa kupwa kwifunda kino kikōkeji mu masusu. Netu tubwanya kwikala balēme kudi Yehova ne ba mvubu mu mwingilo onso otubwanya kupebwa shi tubashala ba kikōkeji mu ngikadilo mikomo.—Yak. 1:4.