Le Yesu I Leza Mwinē Bukomo Bonso?

Bilondolola Bible

Balwana na Yesu bāmutopekele amba widingakanyanga pamo na Leza. (Yoano 5:18; 10:30-33) Inoko Yesu kānenenepo amba udi mu ludingo lumo na Leza Mwinē Bukomo Bonso. Aye wānenene amba: “Tata untabukile bukata.”—Yoano 14:28.

Balondi babajinji ba Yesu kebādipo bamwene amba udi pamo na Leza Mwinē Bukomo Bonso. Kimfwa, mutumibwa Polo wālembele amba Yesu pa kupwa kusanguka, Leza “wamuzunzwile [Yesu] pa kyaba kya peulu kutabuka.” Bibamweka patōka’mba, Polo kādipo ukulupile amba Yesu i Leza Mwinē Bukomo Bonso. Shi kwadi amba i Mwinē Bukomo Bonso, le Leza wādi ubwanya kuzunzula Yesu namani pa kyaba kya peulu kutabuka?—Bene Fidipai 2:9.