BYABULĒME BYA MU KINENWA KYA LEZA | YELEMIA 51-52
Kinenwa kya Yehova Kifikidilanga mu Kamwanda ne Kamwanda
Yehova wālaile mu muswelo mupotoloke myanda ya kumeso
Ngela-miketo wa mu kipango kya balami kya Peleshia
“Nonai miketo”
Bene Mede ne bene Peleshia bādi bangela-miketo ba bwino kadi buta bwa miketo kyo kyādi kyabulwi kyabo kinekine. Bānonene miketo yabo mwa kutwelela’yo bininge
“Bantu bakomokomo ba Babiloni baleka kulwa”
Bilembwa bya Mānga ya Nabonide binena’mba: “Kibumbo kya bulwi kya Shilusa kyātwelele mu Babiloni pampikwa kulwa.” Padi kino kilombola’mba kekwāikelepo kavutakanya kakatampe kadi i kikwatañane na bupolofeto bwa Yelemia
Bilembwa bya Mānga ya Nabonide
“Babiloni ukālamuka ke milwimilwi [ne] musala wa nyeke ne nyeke”
Tamba mu mwaka wa 539 Y.K., ntumbo ya Babiloni yashilula kutyepa. Alekizandele Mukatampe wāsakile kutūla Babiloni bu mwipata mwandi, ino wafwa mu kitulumukila. Mu myaka katwa kabajinji, kisumpi kya Bayuda kyādi kikidi’mo, kyo kyālengeje mutumibwa Petelo akapempule Babiloni. Ino mu myaka katwa ka buná Y.M., kibundi kyādi ke masala, kadi kyajimankana lonso