Madiulu Mapya ne Ntanda Mipya Bikaleta Nsangaji Mivule

Mulao wa Leza wa kujokeja bintu dipya usonekelwe mu Isaya shapita 65 i wa binebine, o mwanda Yehova wēsambile’o’nka na mwi ufikidije kala.

Yehova wapange madiulu mapya ne ntanda mipya, kabidi bintu bya kala kebikavulukwapo

65:17

Le madiulu mapya i bika?

• I umbikalo mupya ukaleta ngikadilo myoloke pano pa ntanda

• Wāshimikilwe mu 1914 pabikikilwe Kidishitu bu Mulopwe wa Bulopwe bwa Leza

Le ntanda mipya i bika?

• I kitango kya bantu batambile mu mizo, mu ndimi, ne mu misaka yonso, kadi bakōkele na nsangaji ku buludiki bwa umbikalo mupya wa mūlu

Le bintu bya kala kebikavulukwapo muswelo’ka?

• Bintu bisansa bilengeja tuvuluke masusu a ku ngitu, a mu ñeni ne a mu malango, kebikekala’ko’po dikwabo

• Bantu ba kikōkeji bakekala na būmi bwa nsangaji mivule kadi bakaloelelwa kuvuluka bintu biyampe mobukila-mobukila