Myanda ya Kunyemena’ko ya Kabuku ka ku Kupwila Būmi ne Mwingilo
© 2022 Christian Congregation of Jehovah’s Witnesses
2-8 KWEJI 1
BYABULĒME BYA MU KINENWA KYA LEZA | 2 BALOPWE 22-23
“Mwanda Waka Twikale Betyepeje?”
w00-F 15/9 p. 29-30
Yoshia Wāitabijibwe na Yehova Mwanda Wādi Mwityepeje
Bengidi bādi babuka Lubanga na futwi ne kwingila mingilo mikomo ya ku tempelo. Yoshia pa kulombola kufwija’ko Yehova, wāsoñanya bengidi balongolole bintu byāonakenye bakulutuba babo ku njibo ya Leza. Pobādi bengila, Shafana wāiya na musapu. Le wādi musapu’ka? I musapu wa muvungo! Wānena’mba Kitobo Mukatampe Hilekia wasokola “mukanda wa bijila bya Yehova byaletelwe kupityila kudi Mosesa.” (2 Bilongwa bya Mafuku 34:12-18) Le i bika byāsokwelwe?—na bubine i mukanda mwinemwine wa Bijila!
Yoshia wādi na kipyupyu kya kuteja binenwa byonso bya mu mukanda. Shafana paādi utanga’o, mulopwe wakimba muswelo obabwanya kwingidija myanda ya mu uno mukanda aye ne ku bantu bonso. Wātengelwe na kampata na binenwa bidi mu mukanda bisambila pa butōtyi bwa bine, pa byamalwa ne kuselwa bu misungi shi kebalekelepo butōtyi bwa bilezaleza. Pa kujingulula’mba misoñanya yonso keyadipo ilondwa Yoshia wāsana bivwalwa byandi ne kunena Hilekia, Shafana ne bakwabo amba: ‘Endai mukepangule Yehova pa mwanda wa binenwa bya uno mukanda; ke-pantu bukalabale bwa Yehova bwetwakila i bukatampe, mwanda bakulutuba betu kebakōkelepo binenwa bya uno mukanda.’—2 Balopwe 22:11-13; 2 Bilongwa bya Mafuku 34:19-21.
w00-F 15/9 p. 30 mus. 2
Yoshia Wāitabijibwe na Yehova Mwanda Wādi Mwityepeje
Yoshia wātuma bantu ku Yelusalema ku kamona Huluda mupolofeto mukaji ne kujoka na musapu. Huluda wānena binenwa bya Yehova na kulombola amba, byamalwa bilembelwe mu uno mukanda mupya wasokolwa bikafikila muzo mupondoke. Ino Yoshia byāetyepeje kumeso a Yehova Leza kakifikilwepo na bino bya malwa. Ino wākongakanibwa na bakulutuba bandi ne kujikwa mu ndoe.—2 Balopwe 22:14-20; 2 Bilongwa bya Mafuku 34:22-28.
Byabupeta bya ku Mushipiditu
w01-F 15/4 p. 26 mus. 3-4
Ubwanya Kwikala Muntu Muyampe Nansha shi Wimutamine mu Ngikadilo’ka
Nansha byobadi bamulwa mu bunkasampe bwandi, Yoshia wātongele kulonga biyampe kumeso a Yehova. O mwanda Bible unena pa umbikalo wandi amba: “ku balopwe bamubadikidile kekwadipo mulopwe pamo bwa aye, wajokēle kudi Yehova na mutyima wandi onso ne na muya wandi onso ne na bukomo bwandi bonso, mungya Bijila byonso bya Mosesa; kadi kupwa aye kekwalupukilepo mukwabo wadi pamo bwa aye.”—2 Balopwe 23:19-25.
Yoshia i kimfwa kiyampe ku boba bonso balwibwa mu bunkasampe! Le i ñeni’ka yotubwanya kuboila ku kimfwa kyandi? Le i bika byākweshe Yoshia atonge dishinda diyampe ne kulonda’dyo nyeke?
9-15 KWEJI 1
BYABULĒME BYA MU KINENWA KYA LEZA | 2 BALOPWE 24-25
“Tulamei mu Ñeni Kitatyi Kyotudi’mo”
Difuku dya Butyibi dya Yehova Kedidi Pabwipi!
2 Kunena na bubine, bupolofeto bwāsapwile Zefenia bo bwālengeje Mulopwe nkasampe Yoshia ate mutyima bininge ku kufundula butōtyi bwa munyanji mu Yuda. Inoko bilongwa bya Yoshia bya kufundula mutōtelo wa bubela mu ntanda yabo kebyātalwilepo bupupakane bonsololo umbantu nansha kupūta bubi bwa nkambo wandi Mulopwe Manase “wayujije Yelusalema ne mashi ampikilwa mambo.” (2 Balopwe 24:3, 4; 2 Bilongwa 34:3) O mwanda difuku dya butyibi dya Yehova dyādi’nka dya kufika.
Myanda Mikatampe ya mu Mukanda wa Yelemia
Mu mwaka wa 607 K.K.K. Zedekia kadi mu mwaka wa 11 wa kubikala kwandi. Nebukaneza mulopwe wa Babiloni utekele Yelusalema kasāla pano ke myeji 18. Mu difuku dya busamba-bubidi, kweji wa butano, mwaka wa 19 wa kubikala kwa Nebukaneza, Nebuzaladana mfumu wa batulama “waiya,” ko kunena’mba wafika ku Yelusalema. (2 Balopwe 25:8) Padi kitūlo kya Nebuzaladana kidi panja pa mpembwe ya Yelusalema, penepa wakute nkuku ya kukwata kibundi. Mafuku asatu pa kupita’po, mu difuku dya dikumi “waiya,” ko kunena’mba watwela mu Yelusalema. Penepa wāsōka kibundi na mudilo.—Yelemia 52:12, 13.
Byabupeta bya ku Mushipiditu
Myanda Mikatampe ya mu Mukanda wa Bubidi wa Balopwe
24:3, 4. Yehova “kaswelepo kulekela” Yuda mwanda wa mambo a mashi a Manase. Leza ulēmekele mashi a bantu bampikwa mwanda. Tukulupilei amba Yehova ukaluja kinongo pangala pa mashi ampikilwa mwanda na konakanya boba bamwanga’o.—Mitōto 37:9-11; 145:20.
16-22 KWEJI 1
BYABULĒME BYA MU KINENWA KYA LEZA | 1 BILONGWA BYA MAFUKU 1-3
“Lelo Bible I Dibuku dya Myanda Yabine’ni Nansha dya Mfumo Bitupu?”
w09-F 1/9 p. 14 mus. 2
Adama ne Eva—Le I Bantu Bādi’ko Binebine?
Tubandaulei nsekununi ya musuku wa Bayuda ilembelwe mu Bible mu mukanda umbajinji wa Bilongwa bya Mafuku shapita 1 kutūla 9 ne evanjile ya Luka shapita 3. Ino nsekununi ya misuku isambila pa nkongo 48 kutūla 75. Luka wisambila pa nsekununi ya musuku wa Yesu Kidishitu, ino Bilongwa bya Mafuku bisambila pa nsekununi ya musuku wa bulopwe ne wa butobo wa muzo wa Isalela. Ino nsekununi yonso ibidi itelanga majina mayukanike biyampe kimfwa, Solomone, Davida, Yakoba, Izake, Abalahama, Noa ne Adama. Ano majina onso adi mu ino nsekununi alombola’mba i bantu bādi’ko bine ne kadi Adama wādi muntu wādi’ko bine enka na mwikadile bano bantu bonso batelelwe mu ino nsekununi ya misuku.
Noa ne Dilobe—I Mwanda wa Bine, ke wa Kufwatakanyapo
Nsekununi ya misuku ibidi ya mu Bible ibingija amba Noa i muntu wādi’ko bine. (1 Bilongwa 1:4; Luka 3:36) Ba Ezela ne Luka, bādi bakimbi ba binebine ne bābungile pamo ino nsekununi ya misuku. Luka i mulombole musuku wa Yesu Kidishitu kubadila’mo ne Noa.
w09-F 1/9 p. 14-15
Adama ne Eva—Le I Bantu Bādi’ko Binebine?
Twisambilei pa kintu kimo kya mvubu mpata kisambidilwe’po mu Bible—kinkūlwa. Kukwatangana na buno bufundiji, Yesu Kidishitu wāpēne būmi bwandi bubwaninine bu kinkūlwa mwanda wa kwitukūla ku bubi. (Mateo 20:28; Yoano 3:16) Enka motwikiyukile, mfutwa ya kinkūlwa ikwatañene na mfutwa ikūlwanga nayo bintu bijimine nansha mwanda wa kulekelwa mambo. O mwanda Bible utela Yesu bu “kinkūlwa kyenzankane.” (1 Temote 2:6) Tubwanya kwiipangula’mba i kwenzakana ku bika? Bible unena’mba: “Monka mufwilanga bonso mudi Adama, ne mudi Kidishitu namo mo monka, bonso bakapebwa būmi.” (1 Bene Kodinda 15:22) Būmi bubwaninine bwāpēne Yesu i bupe bantu bonso ba kikōkeji mukenga wa kukekala na būmi bubwanine bwine bwājimije Adama paālongele bubi mu Edena. (Bene Loma 5:12) Shi Adama ke muntupo wāikele’ko bine longa kinkūlwa kya Kidishitu ke kyadipo kya kwikala na mvubu.
Byabupeta bya ku Mushipiditu
it-1-F p. 977 mus. 2-3
Musuku
Majina a Bana-bakaji. Majina a bana-bakaji bamo imatelwe mu nsekuni ya mu Bible mwanda wa kitungo kampanda. Mu Ngalwilo 11:29, 30, i batele’mo Salai (Sala), mwanda Lukunwa Lwālailwe lwādi lwa kutamba kwadi ino ke na mukajipo mukwabo wa Abalahama. Milaka nandi imutelwe’mo mwanda wādi nkambo wa Lebeka mukaja Izake, pa kutela’mba Lebeka wādi wa ku musuku wa bantu babutulwa na Abalahama, ko kunena’mba Izake kāsongelepo mukaji wa ku muzo ungi. (Ngo 22:20-23; 24:2-4) Mu Ngalwilo 25:1, i mutelwe dijina dya mukaja Abalahama Ketula. Kino kilombola’mba Abalahama wāsongele mukaji mukwabo pāfwile Sala ne kadi wādi ukidi na bukomo bwa kubutula mu bula bwa myaka 40 ne kupita na pebālongele Yehova kingelengele kya kubutula Izake. (Lo 4:19; Ngo. 24:67; 25:20) Kadi kino kilombola’ Isalela wādi mu kipwano na bene Midyana ne bisaka bya bene Alabia.
Lea, Letyela ne bakaji ba pafula ba Yakoba kubadila’mo ne babo bana bonso majina abo i matelwe’mo. (Ngo 35:21-26) Kino kitukwasha twivwanije muswelo wāikele Leza na bana ba Yakoba. O muswelo umo onka utelelwe majina a bana-bakaji bakwabo mu nsekununi. Kimfwa majina abo i matelwe pa kupebwa bupyani (Umb 26:33) Ino Tamala, Lehaba ne Luta ibatelwe pa mwanda mukwabo. Mu mwanda ne mwanda mudi kintu kitulumuja kilombola muswelo bano bana-bakaji obāikele bu ba nkambulula wa Meshiasa, Yesu Kidishitu. (Ngo 38; Lut 1:3-5; 4:13-15; Mat 1:1-5) Ino kadi kudi majina a bana-bakaji bakwabo atelelwe mu nsekununi ya mu 1 Bilongwa bya Mafuku 2:35, 48, 49; 3:1-3, 5.
23-29 KWEJI 1
BYABULĒME BYA MU KINENWA KYA LEZA | 1 BILONGWA BYA MAFUKU 4-6
“Le Milombelo yo Nombelanga Ilombolanga Bika Pondi?”
w10-F 1/10 p. 23 mus. 3-7
“Mwine Wivwananga Milombelo”
Yabeze wādi muntu wa milombelo. Wālombele Leza mwanda wa amwesele. Wālombele Misusa isatu na kunena binenwa bilombola’mba wādi na lwitabijo.
Dibajinji, Yabeze wālombele Leza na kunena’mba: “Ngesele’po ne kubaija ntanda yami.” (Vese 10) Ke kunenapo amba uno muntu mulēmekibwe wādi na makomwa-meso a kusaka kuyata ntanda ya bantu bakwabo. Milombelo yandi ya kininga isambila pa bantu ino ke pa ntandapo. padi Wālombele bamubaijije ntanda mu ndoe mwanda wa mwikale batōtyi bavule ba Leza.
Dya bubidi, Yabeze wālombele amba “kuboko” kwa Leza kwikale nandi. Mu muneneno wa kyelekejo kuboko kwa Leza kufunkila pa bukomo bwaingidijanga mwanda wa kukwasha batōtyi bandi. (1 Bilongwa bya Mafuku 29:12) Pa kusaka’mba atambule byaādi ulomba, Yabeze wāvundamukile kudi Leza mwine udi na kuboko ke kwīpipo ku boba bonso balombola lwitabijo mwadi.—Isaya 59:1.
Dya busatu, Yabeze wālombele amba: ‘Ndame ku byamalwa, kutyina’mba byakanonga bibi.’ Kishima “kutyina’mba byakanonga bibi” kibwanya kishintulula’mba, Yabeze wālombele, ke kumwepukijapo ku byamalwa, ino aleke kususulwa na bintu bitambanga ku bintu bibi.
Milombelo ya Yabeze ilombola’mba wādi utele mutyima ku butōtyi bwa bine ne amba wādi na lwitabijo ne kikulupiji mudi mwine Wivwananga milombelo. Le Yehova wālongele’po namani? Ino nsekununi mīpi imifule na bino binenwa bya’mba: “Ebiya Leza wamupa byaālombele.”
Byabupeta bya ku Mushipiditu
Myanda Mikatampe ya mu Mukanda Umbajinji wa Bilongwa bya Mafuku
5:10, 18-22. Mu mafuku a Mulopwe Solo, bisaka bya kutunduka kwa Yodano byāshindile bene Hakala nansha abyo byobyādi bityetye, kintu kya muntu 1 ulwa na 2. Kyāikele namino mwanda bana-balume bankanka ba mu bino bisaka bākulupile mudi Yehova ne kukimba bukwashi bwandi. Netu tukulupilei na mutyima onso mudi Yehova potulwa bulwi bwetu bwa ku mushipiditu na balwana bakolakane.—Efisesa 6:10-17.
30 KWEJI 1-5 KWEJI 2
BYABULĒME BYA MU KINENWA KYA LEZA | 1 BILONGWA BYA MAFUKU 7-9
“Ubwanya Kwingila Mwingilo Mukomo na Bukwashi bwa Yehova”
Myanda Mikatampe ya mu Mukanda Umbajinji wa Bilongwa bya Mafuku
9:26, 27. Balami ba bibelo bene Levi bādi na mwingilo ukulupilwa bininge. Bāpelwe lufungulo lwa ku bibelo bya bifuko bikola bya tempelo. Nabo bāikele bantu bakulupilwa mwanda bādi bashitula bibelo difuku ne difuku. Netu tupelwe kiselwa kya kusokola bantu ba mu mwaba wetu ne kwibakwasha batwele mu mutōtelo wa Yehova. Mwene tufwaninwe netu kwikala bantu bakulupilwa ne ba binebine monka mwādi mwikadile bene Levi balami ba bibelo?
w11-F 15/9 p. 32 mus. 7
Le Nobe Ubwanya Kwikala bwa Finease Polwa na Bikoleja?
Finease wādi na mwingilo mukomo mu Isalela wakala; ino wādi na bukankamane, tunangu ne kadi wādi ukulupile mudi Leza pa kunekenya bikoleja. Kadi Finease wāendeje na bukankamane kipwilo kya Leza, pa kino wāitabijibwe na Yehova. Kintu kya myaka 1,000 pa kupita’po, Ezela wālembele ku bukomo bwa mushipiditu amba: “Finease mwanā Eleaza ye wadi dibajinji mutangidiji wabo; Yehova wadi nandi.” (1Bi 9:20) Ye mobikadile ne ku bantu bonso batangidile bantu ba Leza dyalelo ne ku bene Kidishitu bonso bengidila Leza na lulamato.
Byabupeta bya ku Mushipiditu
Imbilai Yehova!
6 Bine, Yehova kupityila ku bapolofeto bandi, wāsoñenye batōtyi bandi bamutendele mu ñimbo. Batuimba ba mu kisaka kya butobo, kebāpelwepo mingilo yādi ingila Bene Levi bakwabo mwanda wa kunena’mba bekale na kyaba kya kubunda ñimbo ne nakampata kupituluka’mo.—1 Bil. 9:33.
6-12 KWEJI 2
BYABULĒME BYA MU KINENWA KYA LEZA | 1 BILONGWA BYA MAFUKU 10-12
“Tamija Mutyima wa Kulonga Kiswa- mutyima kya Leza”
“Mfundije Kulonga Kiswa-mutyima Kyobe”
12 Kwivwanija kwādi kwivwanije Davida misoñanya yādi ifyeme mu Mukanda wa Bijila ne mutyima wandi wa kusaka kwiendeja mungya ino misoñanya i bintu bifwaninwe nabyo kwiulwa. Tala byālongekele kitatyi kyāivwene Davida kyaka kya “mema a kutoma a ku mushimwa udi pa kibelo kya ku Betelema.” Bana-balume basatu ba Davida batwela ku bukomo mu kibundi—kyādi kishikete’mo Bene Fidishitia—bamutekela mema. Ino, “Davida kaswelepo kutoma’o, penepa wapungulwila’o kudi Yehova.” Mwanda waka? Davida wāshintulwile amba: “Leka! leka! leka! nkilonga’kyopo nansha patyetye pene: lelo nkatome mashi a bantu bano’ba baendele kukeleleka būmi bwabo po bealetela.”—1 Bil. 11:15-19.
13 Davida wādi uyukile kupityila ku Mukanda wa Bijila’mba mashi ke akudyapo, ino afwaninwe kumwangilwa Yehova. Kadi wādi wivwanije kine kyādi kifwaninwe kumwangilwa’o. Davida wādi uyukile’mba, “bumi bwa ngitu budi mu mashi.” Inoko, ano ādi mema, keādipo mashi. Mwanda waka Davida wāpelele kwiatoma? Wādi wivwanije musoñanya wādi ufyeme mu kijila. Kudi Davida, mema ādi malēme pamo bwa mashi a bana-balume basatu’ba. Nanshi, kebyādipo byendele’mo kwadi kutoma mene mema’a. Pa kyaba kya kwiatoma, wāmwangile’o panshi.—Levi 17:11; Kup. 12:23, 24.
Leka Bijila bya Leza ne Misoñanya Yandi Biludike Mutyima Obe wa Mundamunda
5 Shi tusaka’mba bijila bya Leza bitukwashe, tufwaninwe kulonga bivule kupita’ko’tu kwibitanga bitupu nansha kwibiyuka. Tufwaninwe kwibisanswa ne kwibilēmeka. Bible witusapwila’mba: “Shikwai bibi sanswai biyampe.” (Amose 5:15) Ino le i muswelo’ka otubwanya kulonga kino? Tufwaninwe kwifunda kumona bintu na mwibimwena Yehova. Fwatakanya’po uno mwanda. Langa’po bidi shi kukilālangapo biyampe, ino dokitele obe wakupe madingi a kudya bidibwa bya bumeni, kwitamuna bidyoma, ne kushinta bintu bimobimo mu bobe būmi. Abe pa kulonda andi madingi, ne bintu bibalumbuluka! Le ukamona namani ano madingi a dokitele?
6 Mu muswelo umo onka, Umpangi wetu i mwitupe bijila bitukinga ku bipa bilula bilupuka ku bubi mwanda wa kulumbulula bwetu būmi. Kimfwa, Bible witufundija’mba ketufwaninwepo kubepa, kudimbañana, kwiba, kulonga busekese, kūmana, nansha kulonga kintu kyo-kyonso kikwatañene na majende. (Tanga Nkindi 6:16-19; Kusokwelwa 21:8) Potwimwena byabuyabuya bilupuka ku kukōkela Yehova, buswe bwetu padi ne pa bijila byandi nabo bukatama.
Byabupeta bya ku Mushipiditu
it-1-F p. 492 mus. 2-3
Mutyima
Kwingila na “Mutyima Onso Mutuntulu.” Mutyima shi i mutuntulu ukengila biyampe. Ino mutyima wa kyelekejo ubwanya kwikala kipindi. Davida wālombele amba: “Kutyila mutyima wami mu bumo amba ntyine dijina dyobe,” Kino kilombola’mba mutyima wa muntu ubwanya kwikala mwabanibwe ku byalanga ne byatyina. (Ñi 86:11) Kimfwa muntu ubwanya kwikala na “mityima ibidi”—ko kunena’mba utōta Leza bya lufufumya. (Ñi 119:113; Kus 3:16) Kadi muntu ubwanya kwikala na ‘mutyima mwabanibwe’ (pabute-pabute, koku mutyima koku mutyima), wingidila ba mfumu babidi, nansha padi unena bintu bishile na byalanga. (1Bi 12:33; Ñi 12:2, kunshi kwa dyani) Yesu wātopekele patōkelela uno mutyima wa bongojani.—Mat 15:7, 8.
Pa kusangaja Leza, muntu kafwaninwepo kwikala na mityima ibidi nansha mutyima mwabanibwe ino, ufwaninwe kwingidila Leza na mutyima onso mutuntulu. (1Bi 28:9) Kino kilomba kulonga bukomo mwanda mutyima i ndimbañani ne kadi ulēmenene ku kulonga bibi. (Yel 17:9, 10; Ngo 8:21) Bintu biketukwasha twikale na mutyima mubwane i bino: Milombelo itamba ku mutyima (Ñi 119:145; Mad 3:41), kwifunda difuku ne difuku Kinenwa kya Leza (Eza 7:10; Nki 15:28), kwikala na bupyasakane mu mwingilo wa busapudi (dingakanya na Yel 20:9) ne kupwana na bantu bakwabo bengidila Yehova na mutyima onso mutuntulu.—dingakanya na 2Ba 10:15, 16.
13-19 KWEJI 2
BYABULĒME BYA MU KINENWA KYA LEZA | 1 BILONGWA BYA MAFUKU 13-16
“Tulondei Bwendeji Bwitufikija Kuyampe”
Le Wipangulanga Amba, ‘Yehova Udi Kwepi?’
12 Dikumbo dya kipwano podyājokēle mu Isalela, dyālamibwa myaka mivule mu Kidiata-Yeadimi, Mulopwe Davida wāsakile kwiditundulwila mu Yelusalema. Wākepangula bamfumu ba bantu, kāibanena amba ubwanya kusela Dikumbo ‘shi i biyampe kobadi, kabidi shi kisangaja mutyima wa Yehova.’ Ino wālengwa’ko kukimba mobifwaninwe kuyuka kiswa-mutyima kya Yehova pa uno mwanda. Shi wālongele kino, longa Dikumbo kedyāselelwepo pa dikalo. Dyādi dya kuselwa pa bipuji na bene Levi ba kisaka kya Kohata mungya musoñanya mumwekelele wa Leza. Shako Davida wādi divule wipangula Yehova, ino pa uno mwanda’ko, wākomenwe kumwipangula mokyendele. Bipa byālupukile’ko byādi bilula. O mwanda Davida wānene ke mungya kala’mba: “Yehova Leza wetu wetukupila, mwanda ketwamukimbilepo mungya misoñanya.”—1 Bilongwa 13:1-3; 15:11-13; Umbadilo 4:4-6, 15; 7:1-9.
Le Wipangulanga Amba, ‘Yehova Udi Kwepi?’
13 Ino ku mfulo, Dikumbo dyāselwa na bene Levi ba ku njibo ya Obede-edome kufika ne ku Yelusalema, bāimba’po ne lwimbo lwa Davida. Luno lwimbo lwādi na kino kivulujo kitenga ku mutyima, amba: “Kimbai Yehova ne bukomo bwandi; kimbai mpala yandi nyeke. Vulukai mingilo yandi ya kutendelwa yalonga; bingelengele byandi ne kutyiba-mambo kwa kyakanwa kyandi.”—1 Bilongwa 16:11, 12.
Byabupeta bya ku Mushipiditu
Tutōtei Yehova Mulopwe wa Nyeke ne Nyekeke
14 Davida wāselēle dikumbo dikola dya kipwano ku Yelusalema. Mu kino kitatyi kya nsangaji, bene Levi bāimbile lwimbo lwa mitendelo lwādi na binenwa bisangaja bisonekelwe mu 1 Bilongwa 16:31 amba : “Banene umbukata mwa mizo amba: Yehova ubikalanga.” Muntu ubwanya kwiipangula’mba, ‘Yehova byadi i Mulopwe wa nyeke ne nyekeke, le wāikele bu Mulopwe namani mu kine kitatyi’kya?’ Yehova wikalanga bu Mulopwe kitatyi kyalombolanga bulopwe bwandi nansha kutūla bantu ba kumwimanina mu kitatyi kampanda mwa kunekenenya ngikadilo kamukaya. Bulopwe bwa Yehova bwa uno muswelo budi na mvubu mikatampe. Kumeso kwa Davida kufwa, Yehova wāmulaile’mba bulopwe bwandi bukendelela nyeke. Wāmunene amba: “Nkemika lukunwa lobe lukakulonda lukatamba mu mila yobe, kadi nkaningisha po-o bulopwe bwandi.” (2 Sa. 7:12, 13) Mu kufikidila kwa mfulo kwa ino myanda, luno “lukunwa” lwa Davida lwāmwekele myaka 1 000 ne musubu pa kupita’po. Le luno lukunwa wādi ani, ne wādi wa kwikala bu Mulopwe kitatyi’ka?
20-26 KWEJI 2
BYABULĒME BYA MU KINENWA KYA LEZA | 1 BILONGWA BYA MAFUKU 17-19
“Tulamei Nsangaji Yetu Nansha shi Ketulongelepo Kintu Kyotwadi Tusaka Kulonga”
Ta Mutyima ku Buyampe bwa Bulongolodi bwa Yehova
DAVIDA wa mu Isalela wa kala i umo wa mu bantu batendelwa besambīlwe mu Bisonekwa bya Kihebelu. Uno mukumbi, ñomba, mupolofeto, kadi mulopwe wādi utūdile kikulupiji kyandi kyonso mudi Yehova Leza. Kulamata kwādi kulamete Davida kudi Yehova bya binebine kwāmupele mutyima wa kūbaka njibo ya Leza. Ino njibo, nansha tempelo, yādi ya kwikala ke kité kya mutōtelo wa bine mu Isalela. Davida wāyukile amba mpangiko itala tempelo yādi ya kuletela bantu ba Leza nsangaji ne madyese. O mwanda Davida wāimbile amba: “Keye wa katōkwe kandi, shandi! yewa muntu o watonga [abe Yehova], umufwenya kōdi, amba ēkale mu bipango byobe; tukēkutanga ne [buyampe] bwa njibo yobe, papandulwemo pa njibo īkola yobe.”—Mitōto 65:4.
Sangela Madyese Odi Nao
11 Mu muswelo umo onka, tubwanya kuvudija nsangaji yetu na kwielela bininge mu mwingilo o-onso obetupa kwingidila Yehova. ‘Wipāne bininge’ mu mwingilo wa busapudi, kadi ingila bininge mingilo ya kipwilo. (Bil. 18:5; Bah. 10:24, 25) Teakanya biyampe myanda ikefundwa ku kupwila, mwa kuletela malondololo akankamika. Kwata na kusumininwa kipindi kyo-kyonso kyobakupa ku kupwila kwa mu bukata bwa yenga. Shi abakupe mwingilo kapanda wa kwingila mu kipwilo, ingila’o biyampe kadi pa kitatyi. Kokamona mwingilo o-onso obakupa bu keudipo na mvubu ne amba kwiwingila i kwela kyaba bitupu. Longa bukomo bwa kulumbulula bwino bobe. (Nki. 22:29) Shi wielele bininge mu mingilo ya Yehova, bulunda bobe nandi bukatyita kadi nsangaji yobe ikavula bininge. (Ngt. 6:4) Kadi ukapēlelwa kusangala pamo na bakwenu shi abapebwa madyese owadi usaka kupebwa.—Loma. 12:15; Ngt. 5:26.
Byabupeta bya ku Mushipiditu
w20.02 p. 12, kapango
Tusenswe Yehova Tata Wetu Bininge
Le Yehova Undyukile?
Le kodi mwiipangule amba, ‘Byokudi bantu midiyala ne midiyala pano pa ntanda, le Yehova ubwanya kundyuka?’ Shi i amo, kudi bantu bakwabo bayampe beipangulanga uno muswelo. Mulopwe Davida wālembele amba: “A Yehova, le muntu i waka amba umuyuke, mwanā muntu wa kufwa amba umute mutyima?” (Ñim. 144:3) Davida wādi ukulupile amba Yehova umuyukile biyampe. (1 Bi. 17:16-18) Kadi Yehova ukukulupija kupityila ku Kinenwa kyandi ne ku bulongolodi bwandi amba uyukile buswe bomusenswe. Tala myanda imoimo idi mu Kinenwa kya Leza ibwanya kukukwasha ukulupile amba ukuyukile:
• Yehova wākuyukile abe papo kwabutwilwe.—Ñim. 139:16.
• Yehova uyukile bidi mu mutyima obe, kadi uyukile ne byolanga—1 Bi. 28:9.
• Yehova wivwananga milombelo yobe yonso.—Ñim. 65:2.
• Bilongwa byobe bisangajanga Yehova.—Nki. 27:11.
• Yehova i mukukokele kwadi.—Yoa. 6:44.
• Shi ubafu, Yehova ukuyukile senene kadi ukakusangula. Ukakwalwija umbidi, ñeni, luté, ne ngikadila yobe ikushiañanya na bakwenu.—Yoa. 11:21-26, 39-44; Bil. 24:15.
27 KWEJI 2–5 KWEJI 3
BYABULĒME BYA MU KINENWA KYA LEZA | 1 BILONGWA BYA MAFUKU 20-22
“Kwasha Bankasampe Bendelele”
‘Bino Bintu Pá’byo Bantu Bakōkele’
8 Tanga 1 Bilongwa 22:5. Davida wālangile amba Solomone kasapo kubwanya kwendeja uno mwingilo mukatampe. Tempelo yādi ifwaninwe kwikala “mikatampe byamwiko’tu,” ino Solomone wādi “mwanuke ne mukokekoke.” Inoko Davida wādi uyukile amba Yehova ukakwasha Solomone engile uno mwingilo wa pa bula. O mwanda Davida wālongele byonso byabwanya mwanda wa kumuteakanya ku uno mwingilo mukatampe.
‘Bino Bintu Pá’byo Bantu Bakōkele’
7 Davida wādi usaka bine kūbakila Yehova tempelo, nanshi ye uno padi wātyimukilwe mutyima. Nansha nabya, wākwatakenye mwingilo wādi wa kwingila wandi mwana, Solomone. Davida wākweshe ku kuteakanya bengidi ne kukongakanya byuma, mikuba, ndalama, olo, ne mityi. Kēkambakenyepo na kusaka kuyuka mwine ukatelelwa luno lūbako lwa tempelo, yāyukene mwenda mafuku bu tempelo ya Solomone. Ino wākankamikile Solomone amba: “Ino pano namino wami mwana, Yehova ekale nobe; akumweshe biyampe, ushimike njibo ya Yehova Leza obe, monka mwēsambila kodi.”—1 Bilongwa 22:11, 14-16.
A Bambutwile, Lelo Mukwashanga Benu Bana Babwanye Bisakibwa bya Kubatyijibwa?
14 Bakulumpe babwanya kukwatakanya bukomo bulonga bambutwile na kulombola biyampe bidi mu kwitungila bitungo mu mwingilo wa Yehova. Kaka umo uvuluka byobya byamusapwidile Tutu Russell paadi na myaka isamba. Wanenene amba, “Wesambile nami mu minite 15 pa bitungo bya ku mushipiditu.” I bika byalupukile’ko? Mafuku pa kupita’po, uno kaka waikala bu pania, kadi webwingile mu bula bwa myaka 70 ne kupita! Na bubine, binenwa biyampe kadi bikankamika bibwanya kwikala na lupusa luyampe pa būmi bonsololo bwa muntu. (Nkindi 25:11) Kadi bakulumpe babwanya kwita bambutwile ne babo bana kukwasha ku mingilo ya ku Njibo ya Bulopwe. Babwanya kupa bana mingilo ikwatañene na myaka yabo ne bukomo bwabo.
15 Le i muswelo’ka ubwanya kukwasha’ko bantu bakwabo mu kipwilo? I na kuta bankasampe mutyima bya binebine. Kimfwa, jingulula bintu bilonga nkasampe bilombola’mba kipwano kyandi na Yehova kyendanga kininga. Lelo nkasampe walondololanga biyampe ku kupwila, nansha kupityija kipindi senene ku kupwila kwa mu bukata bwa yenga? Lelo wasapwidile muntu kampanda ku masomo, nansha kukomena ditompo dya kulonga bintu bibi? Shi i amo, nabya kokalejaleja kumufwija’ko! Tubwanya kwitungila kino kitungo kya kwisamba na bankasampe kumeso kwa kupwila ne pa kupwa kwa kupwila. Shi tulonge uno muswelo, nabya bankasampe bakemona’mba badi na mvubu “mu kipwilo kikatakata.”—Ñimbo ya Mitōto 35:18.
Byabupeta bya ku Mushipiditu
Myanda Mikatampe ya mu Mukanda Umbajinji wa Bilongwa bya Mafuku
21:13-15. Yehova wāsoñenye mwikeulu emike kipupo mwanda utenekwanga mutyima shi bantu bandi basusuka. Bine, “byakanye byandi i bya ntanda ne miseke.”