KIFUNDWA 11

Buzanzamuke

Loma 12:11

MU KĪPI: Kankamika ne kukomeja bevwaniki bobe na kwisamba na bupyasakane.

Ela’mo ne mutyima obe. Kitatyi kyowiteakanya kukanena mwisambo, langulukila bininge pa mvubu ya musapu obe. Ivwanija senene myanda amba wisambe bitamba ku mutyima.
Langulukila pa bevwaniki bobe. Langulukila pa muswelo ukamwena bakwenu mu myanda yokatanga nansha yokafundija. Langulukila pa muswelo okanena ino myanda pa kusaka’mba bevwaniki bobe basangele’yo bininge.
Nena bwa abyo bilongeka. Wisambe na bupyasakane. Jinya ngitu mu muswelo mufwaninwe kadi mpala yobe ilombole mwine mowiivwanina.

Tá mutyima kutyina wakalabika bevwaniki na kujinya ngitu mu muswelo umo onka pamo bwa kasela. Muswelo ojinya ngitu wikale na buluji. Lombola dibajinji buzanzamuke kitatyi kyofundija myanda mikatampe ne kyokunka mityima ya bevwaniki bobe balonge’po kintu. Kokapungija bevwaniki bobe na buzanzamuke bupitepite mu mwisambo obe onso.