Le Bulopwe bwa Leza Bukalonga Bika?

Bilondolola Bible

Bulopwe bwa Leza bukapingakena pa maludiki onso a bantu ne kuludika ntanda yonso. (Danyele 2:44; Kusokwelwa 16:14) Shi kino kibalongeka, Bulopwe bwa Leza . . .

• Bukatalula’ko bantu babi besakila, bene betususula batwe bonso. “Ino babi, abo bakatyibwanga’ko pa ntanda.”—Nkindi 2:22.

• Bukafudija mavita onso. “[Leza] wafudija mavita konsokonso pano pa ntanda.”​—Ñimbo ya Mitōto 46:9.

• Bukaleta ndoe ne mutyima-ntenke pano pa ntanda. “Muntu ne muntu [ukashikata] munshi mwa muñanza wandi ne munshi mwa kikuyu kyandi, i kutupu muntu nansha umo ukebakwatyija moyo.”—Mika 4:4.

• Bukalamuna ntanda ke paladisa. “Dilungu mudi zolē dikasangala ne kutōya maluba pamo bwa safelona.”—Isaya 35:1.

• Bukapa muntu ense kaji kayampe kadi kasangaja. “Batongwe bami [ba Leza] bakasangela bya binebine mingilo ya makasa abo. Kebakaputumapo na mingilo bya bitupu.”—Isaya 65:21-23.

• Bukatalula’ko misongo. “I kutupu mwikadi ukanena’mba: ‘Nabela.’”—Isaya 33:24.

• Bukapwa bununu bwetu. “Ngitu yandi ifufume kupita ne pa bunkasampe; ajokele ku mafuku a bukomo bwa bunkasampe bwandi.”—Yoba 33:25.

• Bukasangula bafwile. “Boba bonso badi mu bibundu bakevwana diwi dyandi [Yesu] ne kutamba bakatamba’mo.”—Yoano 5:28, 29.