Ntwelelo ya Kinenwa kya Leza

Bible udi na musapu nansha kinenwa kya Leza kyaetulombola batwe dyalelo. Witulombolanga mwa kwikadila na būmi buyampe ne muswelo wa kwitabijibwa na Leza. Kadi ulondololanga ne bino bipangujo:

1 Lelo Leza i ani?
2 I muswelo’ka obwanya kuyuka Leza?
3 Le i ani wālembele Bible?
4 Le Bible unenanga bya bine mu myanda ya sianse?
5 Le i musapu’ka udi mu Bible?
6 Le Bible wālaile bika padi Meshiasa?
7 Le Bible i mulaye bika bitala etu mafuku?
8 Lelo Leza ye ufwaninwe kulambikwa masusu a bantu?
9 Mwanda waka bantu basusuka?
10 Le i bika bilaile Bible pa mafuku a kumeso?
11 Le shi muntu wafu wikalanga namani?
12 Le i lukulupilo’ka lotudi nalo pa boba bafwile?
13 Le Bible unena bika pa twaji?
14 I muswelo’ka obwanya kwingidija senene bintu byobe?
15 Le i muswelo’ka obwanya kwikala na nsangaji?
16 Le ubwanya kulwa namani na kuzumbija mutyima?
17 Le Bible ubwanya kukwasha kyobe kisaka namani?
18 I muswelo’ka obwanya kufwena kudi Leza?
19 I myanda’ka idi mu mikanda palapala ya mu Bible?
20 I muswelo’ka obwanya kumwena mpata mu butangi bobe bwa Bible?

MWA KUSOKWELA MAVESE MU BIBLE

Bible i mubundwe na mikanda mityemitye 66. I mwabanibwe mu bipindi bibidi: Bisonekwa bya Kihebelu ne Kialamia (“Kipwanino kya Kala”) ne Bisonekwa bya Kingidiki (“Kipwanino Kipya”). Mukanda ne mukanda wa mu Bible i mwabanibwe mu mashapita ne mu mavese. Shi abatela kisonekwa, kibalwa kibajinji kilonda dijina dya mukanda i shapita, ne kibalwa nansha bibalwa bilonda’ko ke vese nansha mavese. Kimfwa, Ngalwilo 1:1 i kunena’mba Ngalwilo shapita 1, vese 1.