KIFUNDWA 13

Kulombola Kamweno ka Myanda mu Būmi

Nkindi 3:21

MU KĪPI: Kwasha bevwaniki bobe bevwanije mwikadile myanda yonena na mvubu mu bwabo būmi, kadi wibalombole bya kulonga pa byobya byobefunda.

Langulukila pa bevwaniki bobe. Langulukila pa kine kifwaninwe bevwaniki bobe kwivwana myanda yonena, kadi jingulula mwanda mwine ukebakwasha bininge.
Mu mwisambo obe onso, lombola bevwaniki bobe bya kulonga. Tamba ku ngalwilo, mwivwaniki yense ufwaninwe kunena’mba, ‘Bino bitalanga ami.’ Povungulula mwanda onso mukatampe, lombola ne mwa kwiwingidijija. Leka kunena bya mu kikonge.

Lombola na buswe mwa kwingidijija misoñanya ya mu Bible ne kwitūla pa kyaba kya bevwaniki. Pa kyaba kya kulengeja bakwenu betopeke, ningija buswe ne lwitabijo lwabo, koku ukulupile amba mutyima wabo ukebatonona balonge byoloke.