KIFUNDWA 25
Lelo Leza Udi na Mpango’ka Potudi?
Bible unena’mba būmi bwa bantu i ‘bwīpi kadi buyule makambakano.’ (Yoba 14:1) Le bo būmi bwadi bwitusakila Leza? Shi ke abopo, le mpango yandi potudi i mpango’ka? Le ikafikidila? Tala bilondololwa bisenga bileta Bible.
1. Le Yehova witusakila twikale na būmi bwa muswelo’ka?
Yehova usakanga twikale na būmi bulumbuluke. Wāpangile bantu babajinji, ba Adama ne Eva, wēbatūla mu paladisa milumbuluke, mu budimi bwa Edena. Ebiya “Leza wēbesela dyese, kadi Leza wēbanena’mba: ‘Butulai mwivudijei, muyuje ntanda ne kwiinekenya.’” (Ngalwilo 1:28) Yehova wādi wibasakila bekale na bana, kadi balamune ntanda yonso ke paladisa ne kukwatakanya banyema. Mpango yandi i ya amba bantu bekale na būmi bubwaninine nyeke ne nyeke.
Nansha byokebyāikelepo uno muswelo,a mpango ya Leza keishintyilepo. (Isaya 46:10, 11) Ukimba ne pano pene bantu ba kikōkeji bekale na būmi bwa nyeke mu ngikadilo milumbuluke.—Tangai Kusokwelwa 21:3, 4.
2. I muswelo’ka otubwanya kwikala na būmi bwa nsangaji tamba’nka pano?
Yehova wētupangile na ‘bisakibwa bya ku mushipiditu,’ ko kunena’mba na mutyima wa kukimba kumuyuka ne kumutōta. (Tangai Mateo 5:3-6.) Witusakilanga tupwane nandi kipwano kya mpwaninine, na “kunanga mu mashinda andi onso, kumusanswa,” ne na kumwingidila “na mutyima [wetu] onso.” (Kupituluka mu Bijila 10:12; Ñimbo ya Mitōto 25:14) Shi tulonge namino, tubwanya kwikala na nsangaji mu būmi, nansha byotutanwa na makambakano. Kutōta Yehova kulengejanga būmi bwetu bwikale bwa nsangaji, mwanda tubeendeja monka mwasakila.
LANGULUKA BININGE
Wifunde, uyuke buswe bukatampe bwalombwele Yehova pa kwituteakenya ntanda, kadi uyuke ne byobya bifundija Kinenwa kyandi pa mwanda utala kine kyaātūdile’ko būmi.
3. Yehova udi na mpango ya kutendelwa itala bantu
Talai VIDEO, ne kwisambila pa kino kipangujo:
Mwanda wa bika Leza wāpangile umbuo wetu biyampe shē?
Tangai Musapudi 3:11, ne kwisambila pa kino kipangujo:
Le kino kikufundija bika padi Yehova?
4. Mpango ya Yehova keishintyilepo
Tangai Ñimbo ya Mitōto 37:11, 29 ne Isaya 55:11, ne kwisambila pa kino kipangujo:
Le tubayuka namani amba mpango ya Yehova potudi keishintyilepo?
Njibo mibongoloke ibwanya kulongololwa. Mo monka ne ntanda isūdilwe na bantu mu kikonge, Leza usa kwiilongolwela bantu bamusenswe
5. Kutōta Yehova kulengejanga twikale na nsangaji ya bine mu būmi
Kuyuka kine kikadile’ko būmi kwituletelanga nsangaji. Talai VIDEO, ne kwisambila pa kino kipangujo.
Lelo Terumi wamwenine namani mu byaafundile pa kine kikadile’ko būmi?
Tangai Musapudi 12:13, ne kwisambila pa kino kipangujo:
Yehova byawitulongēle bintu bivule, lelo netu i bika byotufwaninwe kumulongela?
MUNTU UBWANYA KWIPANGULA’MBA: “Le i kika kikadile’ko būmi?”
Ukamulondolola namani?
MU KĪPI
Yehova usaka tusangele būmi bwa nyeke mu ngikadilo miyampe pano pa ntanda. Shi tumutōte na mutyima wetu onso, nabya būmi bwetu bukekala bwa nsangaji—i tamba’nka pano.
Pitulukai’mo
Lelo mpango mibajinji ya Yehova pa ba Adama ne Eva yādi mpango’ka?
Le tubayuka namani amba mpango ya Leza pa bantu keishintyilepo?
I muswelo’ka obwanya kwikala na būmi bwa nsangaji ya bine?
KIMBA
Tala bukamoni bulombola’mba bine budimi bwa Edena bwādi’ko.
“Budimi bwa Edena I Lufumo’ni Bwādi’ko Bine?” (Kiteba kya Mulami, 1 Kweji 2, 2011)
Wifunde, uyuke kine kyotukulupidile amba ntanda ikekala’ko nyeke.
Bandaula byobya binena Bible pa mwa kutanina būmi bwa nsangaji.
Tala muntu umo wadi ulanga’mba udi na byonso mu būmi, umone mwaanjingulwidile amba kudi byabudilwe.
a Mu kifundwa kilonda’ko, ukayuka’mo mwanda waka bino bintu kebyālongekelepo.