Le Yesu Wādi’tu Muntu Muyampe?

Bilondolola Bible

Yesu kādipo’tu muntu muyampe kete. Wēlombwele bu muntu wa lupusa lukatampe mu mānga. Tala bintu byanenene befundi ba mānga ne balembi pa mwanda wandi:

“Yesu wa Nazala . . . i muntu mukatampe bininge mu mānga.”—H. G. Wells, mulembi wa mānga mwine Angeletele.

“Būmi bwa [Yesu] bwādi na lupusa lukatampe pa bantu pano pa ntanda, kadi bukidi na lupusa pa bantu ne dyalelo.”—Kenneth Scott Latourette, mulembi wa mānga kadi mushiludi mwine Amerika.

Bible ulombola mwanda waka Yesu wādi na lupusa kutabuka muntu ye-yense muyampe. Yesu paāipangwile balondi bandi shi bamuyukile bu ani, umo mu bukata mwabo wālondolwele bya bine amba: “Abe wi Kidishitu, Mwanā Leza mūmi.”—Mateo 16:16.