Yobo
17 “Nyuma wanyi mmutshibuke, mbajime matuku anyi;
Mu nkita mmungindile.+
2 Basekianganyi mbannyunguluke,+
Dîsu dianyi didi ne bua kushala ditangile* tshikadilu tshiabu tshia buntomboji.
3 Itaba koku tshieya tshianyi, ne utshilame.
Nnganyi mukuabu wanyukulangana nanyi bianza ne kupunga dîyi bua bualu buanyi?+
4 Bualu udi musokoke muoyo wabu dijingulula dia malu;+
Ke bualu kayi kuena ubatumbisha to.
5 Yeye udi mua kuitaba bua kuabanyangana bintu ne balunda bende,
Padi eku mêsu a bana bende apangila bukole.
6 Mmumvuije tshintu tshia kusekabu* munkatshi mua bukua bantu,+
Meme kulua muntu udibu batuila mate ku mêsu.+
7 Bua kanyinganyinga kakole, mêsu anyi adi abuitshidila,+
Ne bidimba bianyi bionso bidi anu mundidimbi.
8 Bena bululame badi batangila bualu ebu bakatshila,
Ne muntu udi kayi ne bualu udi umvua bibi bua muntu udi ubenga Nzambi.*
9 Muntu muakane udi ushala mulamate mu njila wende bikole,+
Ne muntu udi ne bianza bikezuke udi wenda upeta bukole.+
10 Kadi nudi mua kulua buonso buenu, nubangulule diakula dienu,
Bualu tshiena mupete muena meji nansha umue munkatshi muenu to.+
12 Badi batungunuka ne kuvuija butuku bulua munda munya,
Bamba ne: ‘Butoke budi ne bua kuikala pabuipi, bualu mîdima idiku.’
14 Nengele dijimba*+ dîyi ne: ‘Wewe ke tatuanyi!’
Ne tshikusu ne: ‘Mamuanyi ne muanetu wa bakaji!’
15 Nunku, ditekemena dianyi didi penyi?+
Nnganyi udi mua kummuenena ditekemena?