Misambu
Kudi muludiki. Mujiki wa Davidi.
20 Yehowa akuandamune mu dituku dia dikenga diebe.
Dîna dia Nzambi wa Yakoba dikukube.+
2 Akutumine diambuluisha difumina muaba wa tshijila+
Ne akukuatshishe ne dikuatshisha difumina ku Siona.+
3 Avuluke milambu yebe yonso ya kupa;
Yeye itabe mulambu webe wa kuosha ne disanka.* (Sela)
5 Netuele mbila ne disanka bua bienzedi biebe bia lupandu;+
Netubandishe mabendele etu mu dîna dia Nzambi wetu.+
Yehowa akukumbajile milombu yebe yonso.
6 Mpindieu ndi mumanye bimpe ne: Yehowa udi upandisha muela manyi wende.+
7 Bamue badi beyemena matempu ne bakuabu beyemena tubalu,+
Kadi tuetu tudi tubila dîna dia Yehowa Nzambi wetu.+
8 Mbapueke ne badishinde,
Kadi tuetu tudi bajuke kuulu ne bajalamijibue kabidi.+
9 Yehowa wanyi, pandisha mukalenge!+
Yeye neatuandamune dituku ditudi tulomba diambuluisha.+