Misambu
Kudi muludiki; wa kuimba tshiapamue ne biombelu bia nshinga.
Mujiki wa Davidi.
4 Pandi mbikila, ungitabe, wewe Nzambi wanyi muakane.+
Ngenzela njila wa kunyemena* mu dikenga dianyi.
Ndeja luse ne teleja disambila dianyi.
2 Nuenu bana ba bantu, nenuvuije butumbi buanyi dipuekeshibua dia milongo too ne dîba kayi?
Nenunange malu a tshianana ne nenukebe malu a dishima too ne dîba kayi? (Sela)
3 Numanye ne: Yehowa neenzele muena lulamatu wende malu mu mushindu wa pa buawu;*
Yehowa neateleje pandi mmubikila.
4 Nufiike munda, kadi kanuenji mpekatu to.+
Nuakule mu muoyo wenu, pa malalu enu, ne nushale bapuwe. (Sela)
5 Filayi milambu ya buakane,
Ne eyemenayi Yehowa.+
6 Kudi ba bungi badi bamba ne: “Nnganyi watuleja tshintu tshimpe?”
Yehowa wetu, butoke bua mpala webe butukenkeshe.+
7 Udi muwuje muoyo wanyi ne disanka dia bungi
Kupita bantu badi ne ntete mipuola ne mvinyo mupiamupia bipite bungi.