Misambu
Kudi muludiki. Mujiki wa Davidi, pavua muprofete Natana mulue kudi Davidi panyima pa dilala diende ne Beta-sheba.+
51 Ndeja luse, Nzambi wanyi, bilondeshile dinanga diebe dia lulamatu.+
Jimija matomboka anyi bilondeshile luse luebe lunene.+
Nunku, wewe udi muakane paudi wakula,
Udi muakane mu dilumbuluisha diebe.+
6 Mona! Wewe udi wanyisha bulelela budi nabu muntu munda;+
Longesha tshindi munda menemene* meji malelela.
7 Unkezule ku mpekatu wanyi ne tshisonsa tshia izope, nunku nengikale mukezuke;+
Unsukule, nunku nengikale mutoke kupita neje.+
8 Ndekela ngumvue mbila ya disanka ne musangelu,
Bua mifuba iuvua muzaze ilue kusanka.+
10 Fuka muoyo mukezuke munda muanyi, Nzambi wanyi,+
Teka nyuma mupiamupia munda muanyi,+ eu udi mushindame.
11 Kungipatshi kumpala kuebe;
Kumbushi nyuma muimpe* webe kundi to.
13 Nendongeshe bashipi ba mikenji njila yebe,+
Nunku benji ba mpekatu nebapingane kuudi.
14 Umpandishe ku dibanza dia mashi,+ Nzambi wanyi, Nzambi wa lupandu luanyi,+
Bua ludimi luanyi lumone mua kumanyisha buakane buebe ne disanka.+
15 Yehowa, kangula mishiku yanyi,
Bua mukana muanyi mumone mua kumanyisha butumbi buebe.+
16 Bualu wewe kuena ukeba mulambu, tshianana mvua mua kuwufila;+
Kuena usanka bua mulambu wa kuosha mujima.+
17 Milambu idi isankisha Nzambi idi lungenyi ludi luzengele;
Muoyo udi musunsuke ne muzajike, Nzambi wanyi, kuakuwubenga* to.+
18 Mu muoyo webe muimpe, enzela Siona malu mimpe;
Ibaka bimanu bia Yelushalema.
19 Pashishe neusanke bua milambu ya buakane,
Milambu ya kuosha ne milambu ya kufila mijima;
Pashishe nebafile bimpanga bia ngombe pa tshioshelu tshiebe.+