17 “‘Bikala muntu mulume musangile ne muanabu wa bakaji, muana wa tatuende anyi muana wa mamuende, ne yeye mumone butaka buende ne yeye pende mumone butaka buende pende, mbualu bua bundu.+ Badi ne bua kubumbusha* ku mêsu kua bana ba mu tshisamba tshiabu. Mmufuishe muanabu wa bakaji bundu.* Neambule bujitu bua tshilema tshiende.

22 “‘Mulawu wikale kudi muntu udi ulala ne muanabu wa bakaji, muana wa tatuende anyi muana wa mamuende.’+ (Bantu bonso nebambe ne: ‘Amen!’)

10 Mpindieu Amenona wakambila Tamâ ne: “Luaku ne biakudia* mu nzubu wa bulalu, bua mbidiile ku tshianza tshiebe.” Nunku Tamâ wakangata mikata mienze bu muoyo ivuaye muenze, kuyaye nayi kudi muanabu Amenona mu nzubu wa bulalu. 11 Pakayaye nayi kudiye bua yeye kudia, wakamukuata, kuambaye ne: “Luaku ulale nanyi muanetu wa bakaji.” 12 Kadi yeye wakamuambila ne: “Tòo, muanetu wa balume! Kumfuishi bundu to, bualu, bualu bua mushindu eu kabutu buenzeka mu Isalele to.+ Kuenji bualu bubi bua bundu ebu to.+