TSHIBUTSHILU TSHIA MIKANDA TSHIA KU ENTERNETE tshia Watchtower

TSHIBUTSHILU TSHIA MIKANDA TSHIA KU ENTERNETE tshia Watchtower

TSHIBUTSHILU TSHIA MIKANDA TSHIA KU ENTERNETE

tshia Watchtower

Dutelonome 15:7

Bible—Nkudimuinu wa bulongolodi bupiabupia
- 7 “Bikala muanenu mulue mupele munkatshi muebe mu tshimue tshia ku bimenga bidi mu buloba budi Yehowa Nzambi webe ukupesha, kukoleshi muoyo webe anyi kuikadi ne minu mikole kudi muanenu mupele to.+

Musambu 41:1

Bible—Nkudimuinu wa bulongolodi bupiabupia
- 41 Wa diakalenga mmuntu yonso udi utabalela muntu mupuekele;+
  Yehowa neamusungile mu dituku dia dikenga.

Musambu 112:5

Bible—Nkudimuinu wa bulongolodi bupiabupia
- 5 Malu adi enda bimpe bua muntu udi usombeshangana bintu ne muoyo wa tshipapayi.*+
  
  י [Yode]
  
  Yeye udi ulombola malu ende ne buakane.

Nsumuinu 3:27

Bible—Nkudimuinu wa bulongolodi bupiabupia
- 27 Kubengi bua kufila tshintu tshimpe kudi bantu baudi ne bua kutshipesha*+
  Biwikala ne bukokeshi* bua kuambuluisha.+

Nsumuinu 19:17

Bible—Nkudimuinu wa bulongolodi bupiabupia
- 17 Muntu udi uleja mupuekele luse udi usombesha Yehowa bintu,+
  Ne Yeye neamufute bua malu adiye wenza.+

Mâko 14:7

Bible—Nkudimuinu wa bulongolodi bupiabupia
- 7 Bualu nudi ne bapele aba misangu yonso,+ nudi mua kubenzela malu mimpe dîba dionso dinudi basue, kadi meme kanuakuikala nanyi misangu yonso to.+

Bienzedi 11:29

Bible—Nkudimuinu wa bulongolodi bupiabupia
- 29 Nunku bayidi bakadisuika, muntu ne muntu bilondeshile dimona diende,+ bua kutumina bana betu bavua basombele mu Yudaya diambuluisha;*+

1 Timote 6:18

Bible—Nkudimuinu wa bulongolodi bupiabupia
- 18 Bambila bua benze malu mimpe, bikale babanji mu midimu mimpe, bikale bapeshanganyi ba bintu,* badiakaje bua kuabanyangana bintu ne bakuabu,+

1 Yone 3:17

Bible—Nkudimuinu wa bulongolodi bupiabupia
- 17 Kadi muntu yonso udi ne bintu bia pa buloba ebu ne umona muanabu ukengela tshintu kadi ubenga kumuleja luse, mmushindu kayi udi dinanga dia Nzambi mua kushala munda muende?+