24 ne kapia kakafuma kudi Yehowa,+ kubangaku kuosha mulambu wa kuosha ne bitupa bia mafuta bivua pa tshioshelu. Pavua bantu bonso bamone bualu abu, bakatuadija kuela mbila, kutuabu mpala yabu panshi.+

19 Pashishe Manoa wakangata muana wa mbuji ne mulambu wa ntete, kubilambulaye Yehowa pa dibue. Yeye uvua wenza bualu kampanda bua dikema pavua Manoa ne mukajende batangile. 20 Pavua kapia ka pa tshioshelu kalunduka muulu, muanjelu wa Yehowa wakabanda mu kapia ka pa tshioshelu kavua kalunduka pavua Manoa ne mukajende batangile. Diakamue bakatua mpala yabu panshi.

38 Nunku kapia ka Yehowa kakumbuka mu diulu, kuoshaku mulambu wa kuosha,+ nkunyi, mabue ne buloba, ne kumishaku mâyi avua mu munkoloji.+

26 Nunku Davidi wakashila Yehowa tshioshelu+ muaba au, yeye kulambula milambu ya kuosha ne milambu ya diumvuangana, ne wakabila Yehowa, yeye kumuandamuna ne kapia+ kavua kafumina mu diulu pa tshioshelu tshia mulambu wa kuosha.

7 Mpindieu, diakamue pavua Solomo mujikije kusambila,+ kapia kakapueka kafuma mu diulu,+ kuoshaku mulambu wa kuosha ne milambu mikuabu, ne butumbi bua Yehowa buakuwula mu nzubu.+