15 Nunku bantu bonso bakaya ku Gilegala, ne bakateka Shaula mukalenge kumpala kua Yehowa ku Gilegala aku. Pashishe bakalambula milambu ya diumvuangana kuntu aku kumpala kua Yehowa,+ ne Shaula ne bena Isalele bonso bakasanka disanka dia dikema.+

13 Nunku Samuele wakambila Shaula ne: “Udi muenze bualu bua bupote. Kuena mutumikile dîyi divua Yehowa Nzambi webe mukuambile to.+ Bu wewe muditumikile, Yehowa uvua mua kuenza bua bukalenge buebe bushindame mu Isalele bua kashidi.

26 Kadi Samuele wakambila Shaula ne: “Tshiakupingana nebe to, bualu udi mubenge dîyi dia Yehowa, ne Yehowa mmukubenge bua kutungunuki ne kuikala mukalenge wa Isalele.”+

7 Ndekelu wa bionso Shaula wakambila bena mudimu bende ne: “Nkebelayi muntu mukaji muena mbuku,+ nye kumuebeja malu.” Bena mudimu bende bakandamuna ne: “Mona! Kudi muntu mukaji kampanda muena mbuku ku Ene-dô.”+

4 Ke Shaula kuambila muntu uvua umuambuila bia mvita ne: “Tula muele webe wa mvita, uwuntue, bua bantu badi kabayi batengula aba+ kabalu kuntua muele ne kungenzela malu kakuyi luse.”* Kadi muntu uvua umuambuila bia mvita kakitaba to, bualu uvua ne buôwa bua bungi menemene. Nunku Shaula wakangata muele wende wa mvita, yeye kudishindilapu.+