39 Mpindieu muakuidi Sadoka wakangata lusengu lua manyi+ mu ntenta,+ kuelaye Solomo manyi,+ bobu kutuadija kuela mpungi, ne bantu bonso bakatuadija kuela mbila bamba ne: “Mukalenge Solomo ikale ne muoyo matuku a bungi!” 40 Pashishe bantu bonso bakamulonda ne bakabanda, benda bela nshiba ne basanka bikole, buloba kufikabu too ne ku dipandika bua mitoyi yabu.+

12 Pashishe Yehoyada wakapatula muana wa mukalenge,+ kumutekaye tshifulu tshia bukalenge* ne Bujadiki* pa mutu,+ bobu kumuvuija mukalenge ne kumuelabu manyi. Bakabanga kukuma bikashi bamba ne: “Mukalenge ikale ne muoyo matuku a bungi!”+

14 Pashishe wakamona mukalenge muimane kuntu aku lua ku dikunji bilondeshile tshilele tshivuaku.+ Bamfumu ne bedi ba mpungi+ bavua ne mukalenge, ne bantu bonso ba mu buloba bavua basanka, bela mpungi. Ke Atalaya kudipanda bilamba ne kuelaye lubila ne: “Mbantungile tshitungu! Mbantungile tshitungu!”

39 Bakashala kuntu aku ne Davidi matuku asatu, badia, banua, bualu bana babu bavua babalongoluele bintu. 40 Kabidi ne bantu bavua pabuipi nabu, too ne bavua ku Yisakâ, Zebulona, ne Nafatale, bavua balua ne biakudia pa mpunda, pa tumelu, pa mpunda ya mushindu mukuabu ne pa ngombe, mmumue ne: biakudia bienza ne bukula, mabulu a mfigi miumisha ne a tumuma tua mvinyo tumisha, mvinyo, mafuta, ne ngombe ne mikoko bia bungi menemene, bualu kuvua disanka mu Isalele.