5 Bakamuambila ne: “Tangila! Ukadi mukulakaje, kadi bana bebe kabena balonda njila yebe to. Mpindieu tutekela mukalenge bua atulumbuluishe anu bu mudibi bienzeka mu bisamba bikuabu bionso.”+

24 Samuele wakambila bantu bonso ne: “Nudi bamone muntu udi Yehowa musungule anyi?+ Kakuena muntu mukuabu bu yeye munkatshi mua bantu bonso to.” Nunku bantu bonso bakatuadija kuela mbila bamba ne: “Mukalenge ikale ne muoyo matuku a bungi!”

14 Pashishe Samuele wakambila bantu ne: “Luayi tuye ku Gilegala+ bua kujadikulula bukalenge.”+ 15 Nunku bantu bonso bakaya ku Gilegala, ne bakateka Shaula mukalenge kumpala kua Yehowa ku Gilegala aku. Pashishe bakalambula milambu ya diumvuangana kuntu aku kumpala kua Yehowa,+ ne Shaula ne bena Isalele bonso bakasanka disanka dia dikema.+