10 Dikombo dia bukalenge kadiakumbuka kudi Yuda,+ nansha dikombo dia mukokeshi kadiakumbuka munkatshi mua makasa ende too ne padi Shilo* ulua,+ ne bukua bisamba nebumutumikile.+

24 Ke Shaula kuambila Samuele ne: “Ndi muenze mpekatu bualu tshiena mutumikile dîyi dituma dia Yehowa ne mêyi ebe, bualu mvua mutshine bantu ne muteleje tshivuabu bambe.

28 Ke Samuele kumuambila ne: “Yehowa mmukutule bukalenge bua Isalele lelu, ne neabupeshe muinebe udi mukupite.+

13 Nunku Samuele wakangata lusengu lua manyi,+ kumuelaye manyi kumpala kua bana babu. Kutuadijila anu dituku adi, nyuma wa Yehowa wakatuadija kupesha Davidi bukole.+ Pashishe Samuele wakajuka, kuyaye ku Lama.+

4 Davidi uvua ne bidimu 30 pavuaye mulue mukalenge, ne wakakokesha bidimu 40.+ 5 Wakakokesha Yuda mu Hebelone bidimu muanda mutekete ne ngondo isambombo, ne wakakokesha Isalele mujima ne Yuda mu Yelushalema+ bidimu 33.

3 Nunku bakulu ba mu Isalele bonso bakalua kudi mukalenge ku Hebelone, ne Davidi wakadia nabu tshipungidi ku Hebelone kumpala kua Yehowa. Pashishe bakela Davidi manyi bua ikale mukalenge wa Isalele+ bilondeshile dîyi divua Yehowa muambe ku butuangaji bua Samuele.+