14 Nunku Yehowa wakatuma tshipupu+ mu Isalele, kuenzabi bua ne: bantu binunu 70 ba mu Isalele bafue.+ 15 Kabidi, Nzambi mulelela uvua mutume muanjelu ku Yelushalema bua kumubutula; kadi pakavuaye pa kuenza nanku, Yehowa wakamona bualu ebu ne wakanyingalala* bua dikenga adi,+ ke yeye kuambila muanjelu uvua mulue ne kabutu ne: “Biakumbanyi!+ Mpindieu puekesha tshianza tshiebe.” Muanjelu wa Yehowa uvua muimane pabuipi ne muaba wa tshishipuidi wa Ônana+ muena Yebuse.+