39 ‘Nudi ne bua kuikala ne luzembe lua manda manda elu bua nuikale nulumona ne nuvuluka mêyi onso a Yehowa ne nuatumikila.+ Kanuena ne bua kulonda mioyo yenu ne mêsu enu bidi binusaka bua kuenda bundumba bua mu nyuma.+

9 Wewe nsongalume, usanke pautshidi nsonga, ne muoyo webe usanke mu matuku a bunsonga buebe. Ulonde njila ya muoyo webe ne uye kudi mêsu ebe akulombola; kadi umanye ne: Nzambi mulelela neakulumbuluishe* bua malu aa onso.+

9 Badi bapanduka nebamvuluke munkatshi mua bisamba mudibu bakuatshibue.+ Nebajingulule ne: muoyo wanyi uvua musame bua muoyo wabu udi kawuyi ne lulamatu* uvua mumbuke kundi+ ne bua mêsu abu adi ajinga ne muoyo mujima* mpingu yabu ya muendi.+ Nebafuishibue bundu bua bubi buabu buonso ne malu mabi onso adibu benze, ne nebabikine.+

29 Mpindieu, bikala dîsu diebe dia balume dikulenduisha, uditule, udimanshe kule nebe.+ Bualu mbimpe bua wewe kujimija tshimue tshia ku bitupa biebe bia mubidi pamutu pa kuelabu mubidi webe mujima mu Ngena.*+

16 bualu bintu bionso bia pa buloba, mmumue ne: majinga a mubidi,+ majinga a mêsu,+ ne kuleja bintu bia mu nsombelu ne lutambishi,* kabiena bifumina kudi Tatu, kadi bidi bifumina pa buloba.