15 dîba adi, kakuyi mpata neuteke mukalenge udi Yehowa Nzambi webe usungula.+ Neuteke mukalenge wa munkatshi mua bana benu. Mbakukandike bua kuditekela muntu wa ku babende udi kayi muanenu ku mutu kuebe.

17 Kena nansha ne bua kusela bakaji ba bungi, bua muoyo wende kawulu kupambuka;+ anyi kena ne bua kupeta arjan ne or bia bungi menemene to.+

11 Kadi mukalenge Solomo wakananga bakaji ba bungi ba ku babende+ kusakidila ku muana wa bakaji wa Palô:+ bakaji ba bena Moaba,+ ba bena Amona,+ ba bena Edome, ba bena Sidona+ ne ba bena Hiti.+ 2 Bavua ba mu bisamba bivua Yehowa muambile bena Isalele ne: “Kanuena ne bua kuya munkatshi muabu,* ne bobu kabena ne bua kulua munkatshi muenu, bualu nebasesuishe bushuwa mioyo yenu bua kulonda nzambi yabu.”+ Kadi Solomo wakabalamata ne wakabananga. 3 Uvua ne bakaji 700 bavua bana ba bakalenge ne uvua mubanjije bakaji bakuabu 300, ne bakaji bende bakasesuisha muoyo wende ku kakese ku kakese.*

26 Solomo mukalenge wa Isalele kavua muenze mpekatu bua bualu bua bakaji aba anyi? Munkatshi mua bisamba bia bungi kamuvua mukalenge bu yeye to;+ ne Nzambi uvua mumunange,+ ke Nzambi kumuteka mukalenge wa Isalele mujima. Kadi bakaji ba ku babende bakamufikisha too ne yeye ku dienza mpekatu.+