11 Nebukadenesâ mukalenge wa Babilona wakalua ku tshimenga pavua bena mudimu bende batshitshintshimike.

13 Pashishe wakangata bintu bionso bia mushinga bia mu nzubu wa Yehowa ne bintu bia mushinga bia mu nzubu* wa mukalenge kuntu aku.+ Wakakosolola bintu bionso bia or bivua Solomo mukalenge wa Isalele muenze mu ntempelo wa Yehowa tutupa tutupa.+ Biakenzeka anu mukavua Yehowa muambe.

7 Pashishe Nebukadenesâ wakangata bimue bintu bia mu nzubu wa Yehowa, kuyaye nabi ku Babilona, kubitekaye mu dibalasa diende mu Babilona.+

28 Mu tshidimu tshimue tshimue atshi, ku ntuadijilu kua bukokeshi bua Sedekiya+ mukalenge wa Yuda, mu tshidimu tshinayi, mu ngondo muitanu, muprofete Hananiya muana wa Azû wa ku Gibeona+ wakangambila mu nzubu wa Yehowa kumpala kua bakuidi ne kua bantu bonso ne: 2 “Mona tshidi Yehowa wa biluilu, Nzambi wa Isalele, wamba: ‘Nentshibule tshikokedi tshia mukalenge wa Babilona.+ 3 Mu bidimu bibidi,* ndi mpingaja muaba eu bintu bionso bia mudimu bia mu nzubu wa Yehowa bivua Nebukadenesâ mukalenge wa Babilona muangate muaba eu, muye nabi mu Babilona.’”+

1 Mu tshidimu tshisatu tshia bukokeshi bua Yehoyakima+ mukalenge wa Yuda, Nebukadenesâ mukalenge wa Babilona wakalua ku Yelushalema, kumutshintshimikaye.+ 2 Mu kupita kua matuku, Yehowa wakafila Yehoyakima mukalenge wa Yuda mu tshianza tshiende+ pamue ne bimue bia ku bintu bia mudimu bia mu nzubu* wa Nzambi mulelela, yeye kuya nabi mu buloba bua Shinâ,*+ mu nzubu* wa nzambi wende. Wakateka bintu bia mudimu ebi mu tshibutshilu tshia nzambi wende.+