6 Mbua wa ditu neasombe bua tshikondo kampanda ne muana wa mukoko,+

Ne nkashama nealale pamue ne muana wa mbuji,

Ne muana wa ngombe ne ntambue* ne nyama wa manyi nebikale bionso kaba kamue;*+

Ne muana mutekete neabilombole.

 7 Ngombe mukaji ne nyama wa urse nebidie kaba kamue,

Ne bana babi nebalale kaba kamue.

 8 Muana utshidi wamua dibele neanayile pa buina bua nyoka wa kobra,

Ne muana ukadi mulekele dibele neateke tshianza tshiende pa buina bua nyoka wa lulengu.

 9 Kabiakuenzelangana bibi+

Anyi kukebesha tshinyangu mu mukuna wanyi wonso wa tshijila to,+

Bualu buloba nebuwule tente bushuwa ne dimanya dia Yehowa

Bu mudi mâyi abuikila mbuu.+

 9 Ntambue nansha umue kakuikalamu to,

Ne nyama ya tshisuku ya luonji kayakuluamu to.

Kabakuyisanganamu nansha;+

Anu bantu badibu bapikule ke bendelamu.+

25 Mbua wa ditu ne muana wa mukoko nebidie pamue,

Ntambue neadie bisonsa anu bu ngombe,+

Ne biakudia bia nyoka nebikale lupuishi.

18 Mu dituku adi nembapungile tshipungidi ne nyama ya tshisuku ya mu mpata,+

Ne nyunyi ya muulu ne bintu bidi bidikoka panshi;+

Nengumbushe buta bua mikete, ne muele wa mvita, ne mvita mu buloba,+

Ne nembaladike* mu bukubi.+