• Yeshaya 47:12, 13
    Bible—Nkudimuinu wa bulongolodi bupiabupia

    • 12 Nunku, tungunuka ne majimbu ebe ne mipongo yebe ya bungi,+

      Biudi mutate nabi katshia ku buana buebe.

      Pamuapa udi mua kupetelaku dikuatshisha;

      Pamuapa udi mua kutshinyisha nabi bantu.

      13 Udi mupungile bua bungi bua bakupeshi ba ngenyi.

      Bimane mpindieu, bakupandishe,

      Aba badi batendelela diulu,* badi batangile mitoto,+

      Aba badi bafila dimanya mu bikondo bia dibala dia ngondo

      Didi ditangila malu alua kuudi.

  • Danyele 2:10, 11
    Bible—Nkudimuinu wa bulongolodi bupiabupia

    • 10 Bena Kasada bakandamuna mukalenge ne: “Kakuena muntu pa buloba* udi mukumbane bua kuenza tshidi mukalenge ulomba, bualu kakuena mukalenge munene anyi nguvena ukadiku mulombe muakuidi muena majimbu, anyi muena manga peshi muena Kasada bualu bua nunku to. 11 Bualu budi mukalenge ulomba mbukole, kakuena muntu udi mua kuambila mukalenge bualu ebu to, anu nzambi idi kayiyi isomba munkatshi mua bantu bafuafua.”*