• Yehezekele 25:15-17
    Bible—Nkudimuinu wa bulongolodi bupiabupia

    • 15 “Mona tshidi Mukalenge Mutambe Bunene Yehowa wamba: ‘Bua buluishi buabu budi kabuyi bujika, bena Peleshete mbakebe bua kudisombuela ne kubutula ne meji mabi.*+ 16 Nunku mona tshidi Mukalenge Mutambe Bunene Yehowa wamba: “Mona, ndi ngoluela bena Peleshete+ tshianza tshianyi bua kubaluisha, ne nengumbushe bena Kelete+ ne nembutule bashadile badi basombele ku muelelu kua mbuu.+ 17 Nengenze bienzedi binene bia disombuela kudibu ne manyoka a tshiji tshikole, nunku nebafike ku dimanya ne: meme ndi Yehowa pangadisombuela kudibu.”’”

  • Amosa 1:9, 10
    Bible—Nkudimuinu wa bulongolodi bupiabupia

    •  9 Mona tshidi Yehowa wamba:

      ‘Bua bienzedi bia ditomboka bisatu bia Tulo,+ ne bua binayi, tshiakushintulula bualu ebu to,

      Bualu bavua bafile tshisumbu tshijima tshia bantu bavuabu bakuate baye nabu ku babende kudi Edome,

      Ne bualu kabavua bavuluke tshipungidi tshia bana babu to.+

      10 Nunku nentume kapia pa tshimanu tshia Tulo,

      Ne nekoshe bibumba biende bikolesha.’+

  • Zekâya 9:1, 2
    Bible—Nkudimuinu wa bulongolodi bupiabupia

    • 9 Dîyi dia kudi Nzambi:

      “Dîyi dia Yehowa didi dipisha buloba bua Hadalaka,

      Ne Damaseke ke udidi dipatshila,*+

      Bualu dîsu dia Yehowa didi pa bukua bantu+

      Ne pa bisa bionso bia Isalele,

       2 Bua kupisha Hamate+ udi mudie nende mukalu,

      Ne kupisha Tulo+ ne Sidona+ bualu badi ne meji a bungi.+