15 Kadi pakafika dilolo, bayidi bende bakalua kudiye, kuambabu ne: “Muaba eu udi kule ne bantu ne dîba dikadi diye; pingaja misumba ya bantu bua baye mu misoko, badisumbile biakudia.”+ 16 Kadi, Yezu wakabambila ne: “Kabena ne bua kuya to; nuenu bapeshayi tshia kudia.” 17 Bakamuambila ne: “Katuena ne tshintu to, anu mampa atanu ne mishipa ibidi.” 18 Yeye wakamba ne: “Luayi nabi kundi.” 19 Nunku yeye wakambila misumba ya bantu bua kudiadija mu mashinde. Pashishe wakangata mampa atanu au ne mishipa ibidi ayi, kutangilaye mu diulu, kusakidilaye Nzambi,+ ne yeye mumane kutshibula mampa, wakaapesha bayidi bende ne bayidi bakaapesha misumba ya bantu. 20 Nunku bantu bonso bakadia, bakukuta, ne bakangula bipese bivua bishale, bisaka 12 biuwule tente.+ 21 Pabi, bavua badie bavua bantu balume batue ku 5 000, kabidi ne bakaji ne bana.+

12 Nunku, dituku dikavua diya ku ndekelu. Mpindieu, bapostolo 12 bakalua, kumuambilabu ne: “Pingaja musumba wa bantu eu, bua baye mu misoko ne ku ntshiama bidi pabuipi bua kupeta muaba wa kulala ne biakudia, bualu apa tudi muaba udi kule ne bantu.”+ 13 Kadi wakabambila ne: “Nuenu bapeshayi tshia kudia.”+ Bakamba ne: “Katuena ne tshintu tshikuabu anu mampa atanu ne mishipa ibidi, anu tuetu baye pamuapa kusumba biakudia bua bantu bonso aba.” 14 Mu bulelela, kuvua bantu balume batue ku 5 000. Kadi wakambila bayidi bende ne: “Basombeshayi mu bisumbu bia bantu batue ku 50 ku tshisumbu tshionso.” 15 Bakenza nanku, kubasombeshabu bonso. 16 Nunku wakangata mampa atanu au ne mishipa ibidi ayi, kutangilaye mu diulu, kubibeneshaye. Pashishe wakabitshibula, kutuadijaye kubipesha bayidi bua babiteke kumpala kua musumba wa bantu. 17 Nunku bantu bonso bakadia, bakukuta, ne bakangula bipese bivua bishale, bisaka 12.+