Misambu
Kudi muludiki. Musambu wa Davidi muena mudimu wa Yehowa wakambila Yehowa mêyi a musambu eu dituku divua Yehowa mumusungile ku tshianza tshia bena lukuna bende bonso ne ku tshianza tshia Shaula. Wakamba ne:+
18 Ndi mukunange, wewe Yehowa, bukole buanyi.+
2 Yehowa mmukuna wanyi wa dibue ne muaba wanyi mukolesha wa kusokomena ne Musungidi wanyi.+
Nzambi wanyi ndibue dianyi+ kundi nyemena,
Ngabu wanyi ne lusengu* lua lupandu luanyi,* tshinyemenu tshianyi tshikole.*+
3 Ndi mbila Yehowa udi muakanyine butumbi,
Ne nempandishibue kudi bena lukuna banyi.+
4 Mionji ya lufu ivua minjingile;+
Dipasalala dia mâyi a bungi dia mu tshintuluntulu dia bantu tshianana divua dinkuatshishe buôwa bukole.+
6 Mu dikenga dianyi ngakabila Yehowa,
Kudi Nzambi wanyi ngakatungunuka ne kudila ndomba diambuluisha.
Wakatelejila dîyi dianyi mu ntempelo wende,+
Muadi wanyi wa kumulomba diambuluisha wakafika mu matshi ende.+
7 Ke buloba kutuadija kunyukuka ne kukanka;+
Bishimikidi bia mikuna biakazakala
Ne biakatenkakana, bualu bavua bamufiikishe munda.+
8 Muishi wakabanda ufuma mu mimpempe yende,
Kapia kadi kashidisha kakapatuka mukana muende;+
Makala adi akenka ne kapia akatema afumina kudiye.
10 Uvua mubande pa mukeluba, kuluaye wenda ubuuka.+
Wakapueka panshi lubilu mubande pa mapuapua a tshifukibua tshia mu nyuma.*+
11 Pashishe wakadibuikila mîdima,+
Nseke yende yonso bu muaba wa kueyema,
Mâyi mafiikuluke ne matutu a mifitu.+
12 Mu bukenke bua kumpala kuende
Muakapatuka mvula wa mabue ne makala a kapia bivua bipande matutu.
13 Pashishe Yehowa wakatuadija kukungula mu diulu;+
Mutambe Bunene wakenza bua dîyi diende diumvuike+
Ne mabue a mvula ne makala a kapia.
15 Panshi pa misulu* pakamueneka;+
Bishimikidi bia buloba biakedibua patoke bua kutanda kuebe, wewe Yehowa,
Bua dipatuka dia mupuya mu mimpempe yebe.+
16 Yeye muulu wakobokela panshi;
Wakankuata, kumpatulaye mu mâyi male.+
18 Bakanduisha mu dituku dia dikenga dianyi,+
Kadi Yehowa uvua mukuatshishi wanyi.
20 Yehowa udi umfuta bilondeshile buakane buanyi;+
Udi umfuta bilondeshile bianza bianyi bidi kabiyi ne bualu.*+
21 Bualu ndi mulame njila ya Yehowa,
Tshiena mulekele Nzambi wanyi mu bubi to.
22 Mêyi ende onso a dilumbuluisha adi kumpala kuanyi;
Tshiakulengulula mêyi ende mafunda.
24 Yehowa amfute bilondeshile buakane buanyi,+
Bilondeshile bianza bianyi bidi kabiyi ne bualu kumpala kuende.+
25 Muntu udi ne lulamatu, wewe udi umuenzela malu ne lulamatu;+
Muntu udi kayi ne kalema, wewe udi umuenzela malu kakuyi kalema;+
26 Kudi muntu udi mukezuke, wewe udi udileja mukezuke,+
Kadi kudi muntu udi ne malu makonyangale, wewe udi udileja mudimuke.+
28 Bualu wewe ke udi utemesha muendu wanyi, Yehowa wanyi;
Nzambi wanyi udi utokesha mîdima yanyi.+
29 Ku diambuluisha diebe ndi mua kudiela mudi tshisumbu tshia benzavi;+
Ku bukole bua Nzambi ndi mua kubanda pa tshimanu.+
Yeye udi ngabu kudi bonso badi banyemena kudiye.+
31 Bualu nnganyi udi Nzambi pa kumbusha Yehowa?+
Nnganyi udi dibue pa kumbusha Nzambi wetu?+
33 Yeye udi uvuija makasa anyi bu bikono bia ngulungu;
Udi ungimanyika pa miaba mitumbuke.+
34 Yeye udi ulongesha bianza bianyi bua kuluangana mvita;
Maboko anyi adi mua kunana buta bua mikete bua tshiamu tshia mitaku.
35 Wewe udi umpesha ngabu webe wa lupandu,+
Tshianza tshiebe tshia balume tshidi tshinkuatshisha,*
Ne didipuekesha diebe didi dimvuija muntu munene.+
37 Nendondakaje bena lukuna banyi ne nembakuate;
Tshiakupingana too ne padibu bajimijibua.
38 Nembazaze bua kabamonyi mua kujuka;+
Nebadishinde muinshi mua makasa anyi.
39 Neumpaye ne bukole bua mvita;
Neukuluishe baluishi banyi muinshi muanyi.+
41 Badi badila balomba diambuluisha, kadi kakuena muntu wa kubapandisha;
Badi badidila too ne Yehowa, kadi kena ubandamuna.
42 Nembatue mbabotesha anu bu lupuishi mu lupepele;
Nembimanshe anu bu bitotshi mu misesu.
43 Neunsungile ku ditulangana bilema dia bantu.+
Neunteke ku mutu kua bisamba.+
Tshisamba tshindi tshiyi mumanye netshinkuatshile mudimu.+
44 Pumvuabu anu lumu tshianana nebantumikile;
Bantu ba ku babende nebalue kudibomba bua kunkokela.+
45 Bantu ba ku babende nebajimije dikima;*
Nebafumine mu miaba yabu mikolesha ya kusokomena benda bazakala.
46 Yehowa udi ne muoyo! Dibue dianyi ditumbishibue!+
Nzambi wa lupandu luanyi atumbishibue.+
47 Nzambi mulelela udi usombuela bantu bua bualu buanyi;+
Udi uteka bukua bisamba ku bukokeshi buanyi.
48 Yeye udi unsungila kudi bena lukuna banyi badi ne tshiji;
Wewe udi umbandisha muulu pa mutu pa badi bambunda;+
Udi umpandisha kudi muena tshikisu.
49 Ke bualu kayi nenkutumbishe munkatshi mua bisamba, Yehowa wanyi,+