Nsumuinu

 2 Nkuambile tshinyi, wewe muananyi wa balume,

Nkuambile tshinyi, wewe muana wa munda muanyi,

Nkuambile tshinyi, wewe muana wa mitshipu yanyi?+

 3 Kufidi bukole buebe kudi bakaji,+

Anyi kulondi njila idi ibutula bakalenge.+

 4 Lemuele wanyi, ki mbikumbane bua bakalenge,

Ki mbikumbane bua bakalenge kunuabu mvinyo

Anyi bua bamfumu kuamba ne: “Maluvu anyi adi penyi?”+

 5 Bua bobu kabanu ne balua kupua mikenji muoyo

Ne kunyanga manême a bapuekele.

 6 Pesha bantu badi bakeba kufua maluvu makole+

Ne pesha badi ne kanyinganyinga kakole* mvinyo.+

 7 Banue ne bapue bupele buabu muoyo;

Kabavuluki kabidi ntatu yabu nansha.

 8 Akuila bantu badi kabayi mua kuakula;

Akula bua manême a bonso badi bajimina.+

 9 Akuila bantu ne lumbuluisha ne buakane;

Akula bua manême* a bapuekele ne bapele.+

11 Bayende udi umueyemena ne muoyo mujima,

Ne yeye kena upangila tshintu nansha tshimue tshia mushinga.

12 Yeye udi ufuta bayende malu mimpe, kena umufuta malu mabi,

Matuku onso a muoyo wende.

13 Udi upeta miosa ya mikoko ne line;

Udi usanka bua kuenza mudimu ne bianza biende.+

14 Yeye udi bu mazuwa a ngenda mushinga,+

Ulua ne biakudia biende ufuma nabi kule.

15 Yeye udi ujuka patshidi panshi pafiike,

Upesha ba mu nzubu muende biakudia

Ne upesha bena mudimu bende bakaji biabu bitupa.+

16 Udi utuma meji ende ku budimi ne udi ubusumba;

Udi udima budimi bua tumuma tua mvinyo ku midimu yende mikole.*

17 Udi udilongolola bua kuenza mudimu mukole,*+

Ne udi ukolesha maboko ende.

18 Udi umona ne: mushinga wende udi ne makasa;

Muendu wende kawena ujima butuku.

19 Bianza biende bidi bikuata tshinu tshia buanda,

Bianza biende bidi bikuata lusambu.*+

20 Yeye udi woluela mupuekele tshianza tshiende,

Ne udi ubuluila bapele bianza biende.+

21 Kena ne buôwa bua neje bua ba mu nzubu muende,

Bualu ba mu nzubu muende bonso mbavuale bilamba bidi bifila luya.*

23 Bayende mmumanyike bimpe ku biibi bia tshimenga,+

Muaba udiye usomba munkatshi mua bakulu ba mu ditunga.

24 Udi wenza bilamba bia line,* ubipana

Ne udi usumbisha bangenda mushinga mikaba.

25 Mmuvuale bukole ne butumbi,

Ne udi wela meji bua matuku atshilualua muikale ne muoyo mukole.*

26 Udi ubulula mukana muende ne meji;+

Mukenji wa buimpe* udi pa ludimi luende.

27 Udi utangila mudimu wa ba mu nzubu muende,

Ne kena udia biakudia bia bufuba.+

28 Bana bende badi bajuka ne bamujingila diakalenga;

Bayende udi ujuka, udi umutumbisha.

29 Kudi bakaji ba tshitembu* ba bungi,

Kadi wewe, wewe udi mubapite buonso buabu.

30 Bulengele budi mua kudinga, ne buimpe bua mpala budi mua kuikala bua tshitupa tshîpi,*+

Kadi mukaji udi utshina Yehowa neatumbishibue.+

31 Umupeshe difutu dia bidiye wenza,*+

Ne midimu yende imutumbishe ku biibi bia tshimenga.+