MUA KUPETA DISULAKANA KU TUNYINGANYINGA
Udi ne tunyinganyinga anyi?
“Muntu yonso utu ne tunyinganyinga, kadi tuanyi meme ntupite bungi. Katuena tufimina ku lutatu kampanda lunene to, kadi tudi tufimina ku nsombelu mishilashilangane, ku diditatshisha bikole, ne ku disamisha mutu bua bayanyi udi usama kukadi bidimu bia bungi ne ku dimutabalela ku mubidi ne mu lungenyi.”—Jill.a
“Mukajanyi wakandekela, meme kutuadija kudikoleshila bana babidi nkayanyi. Kudikoleshila bana nkayanyi kuvua lutatu lukole. Kupita apu, mudimu wanyi wakafua ne tshivua nansha ne makuta makumbane bua kuikala kulongoluesha mashinyi anyi to. Ke meme kuimana mukolo mule ne muîpi. Tunyinganyinga tuvua tumpite bukole. Mvua mumanye bimpe ne: kudishipa kuvua kubi, nunku ngakalomba Nzambi bua mfua nansha kufua.”—Barry.
Utuku umvua imue misangu tunyinganyinga tukupita bukole anu bu Jill ne Barry anyi? Biobi nanku, biena-bualu bidi bilonda ebi bidi mua kukusamba ne kukuambuluisha. Bidi bileja malu atu akebela bantu tunyinganyinga, tshidi tunyinganyinga mua kutuenzela, ne tshitudi mua kuenza patudi ne tunyinganyinga.
a Tudi bashintulule mêna.