Tudi Tukubikila

Tudi ne disanka dia bungi bua mutudi bakule nebe mu kakanda aka. Tudi batekemene se: malu a bungi adi atangila Bantemu ba Yehowa audi mulue kumanya mmakusankishe bikole. Anyishaku dibikila dietu edi ditudi tukubikila bua kulua kutuendela buenyi ku Nzubu wetu wa Bukalenge, bua udimuene ne ebe abidi mushindu udi bisangilu bietu bienzeka. Udimuene mushindu ututu tudienzeja bua kumanyisha bakuabu lumu luimpe lua mparadizu wikala pa buloba mu Bukalenge bua Kristo.

Nzambi mmulaye bualu ebu. ‘Bu mudi mulayi wende tudi tutekemena diulu dipiadipia ne buloba bupiabupia mudi buakane buikalemu.’ (2 Petelo 3:13) Bidimu nkama ne nkama bikadi bipite. Bidi bimueneka patoke se: tshikondo tshia dindila tshikadi pabuipi ne kujika. Malu adi enzeka mpindieu pa buloba adi ajadika bualu ebu bimpe.

Mupostolo Paulo wakamba ne: ‘Patudi tumona dituku dienda disemena pabuipi,’ ‘tuvulukangane bua kukoleshangana mitshima bua kutamba kunanga ne kuenza malu mimpe. Katulekedi mua kubuela mu bisangilu bietu.’ (Ebelu 10:24, 25, MML) Tudi tukulomba bua uteleje mubelu wa Paulo eu ne wanyishe bua kubuela netu mu bisangilu.