TSHITUPA 9

Netubuele mu Mparadizu dîba kayi?

Malu mabi adi enzeka pa buloba adi ajadika ne: Bukalenge bua Nzambi bukadi pa kukokesha pa buloba. Luka 21:10, 11; 2 Timote 3:1-5

Ntatu idi ikuata bantu bonso mu matuku a ku nshikidilu: manaya a mfranga, mvita, masama, dipangila dia biakudia, dibenga kutumikila baledi ne tshikisu tshia mu dîku

Bible ukavua muleje malu a bungi adi enzeka lelu. Uvua muambe ne: bantu nebikale banangi ba makuta, kabayi batumikila baledi babu, bena luonji, ne banangi ba masanka.

Kuvua ne bua kuikala bikumina bikole, mvita, biyole bia nzala ne bipupu bia masama pa buloba bujima. Malu aa adi enzeka lelu.

Ntemu wa Yehowa uyisha muntu lumu luimpe lua Bukalenge bua Nzambi

Yezu wakamba kabidi ne: bavua ne bua kuyisha lumu luimpe lua Bukalenge bua Nzambi pa buloba bujima.—Matayo 24:14.

Bukalenge bua Nzambi nebumbushe malu mabi onso. 2 Petelo 3:13

Bantu babi babutudibua ku Armagedone pashishe Satana ne bademon bende badi bapeta dinyoka

Yehowa ukadi pa kubutula bantu babi bonso.

Yehowa neanyoke Satana ne bademon bende.

Yezu musombe mu nkuasa wende wa Bukalenge mu diulu ne bantu ba makoba onso basanka

Bantu badi bateleja Nzambi nebikale ne muoyo mu buloba bupiabupia muikala buakane ne muikala bantu bonso banangangane ne beyemenangana, kabayi ne buôwa to.