Kuakula ne dishindika dionso

1 Tesalonike 1:5

TSHIA KUENZA: Leja ne: udi ne dishindika dikole bua bulelela buudi ulongesha ne bua mushinga udi nawu malu audi wamba.

MUA KUTSHIENZA:

• Dilongolola bimpe menemene. Longa malu adi mu muyuki too ne paumvua ngenyi minene idimu bimpe ne mushindu udi Bible ujadika mudiyi milelela. Teta kuamba malu manene mu mêyi makese mapepele. Imanyina pa mushindu udiwu mua kuambuluisha bateleji. Lomba nyuma muimpe.

• Akula ne miaku idi ileja muudi ne dishindika. Pamutu pa kuambulula miaku idibu bafunde anu mudiyi amu, ikala uyamba mu ebe mêyi. Akula ngakuilu udi uleja ne: udi mutuishibue ne biudi wamba.

• Akula ne muoyo mujima, wakuilamu. Akula ne dîyi dikumbanyine. Ikala utangilangana ne bantu pikalabi bianyishibue muaba unudi.