Dipatula malu manene patoke

Ebelu 8:1

TSHIA KUENZA: Ambuluisha bateleji bua bende balondesha muyuki webe, ne leja bimpe mudi bualu bunene buonso bupetangana ne tshipatshila tshiebe ne tshiena-bualu tshiebe.

MUA KUTSHIENZA:

• Ikala ne tshipatshila. Keba bua kumanya bikala muyuki webe ne tshipatshila tshia kumanyisha bantu malu, kubashindikilawu, anyi kubasaka ku dienza, ne pashishe uwenze bilondeshile tshipatshila atshi. Enza bua malu manene onso akuambuluishe bua kukumbaja tshipatshila tshiebe atshi.

• Imanyina pa tshiena-bualu tshia muyuki. Ikala wenda wambulula miaku minene ya tshiena- bualu anyi miaku mikuabu ya muomumue paudi wenza muyuki webe bua kuvuluija bantu tshiena-bualu.

• Tokesha malu manene ne uavuije mapepele. Sungula anu malu manene adi apetangana ne tshiena-bualu audi mua kulongesha bimpe mu dîba dikosa. Malu manene ikale matshintshika; ikala utela bualu bunene buonso bumvuike bimpe, upuwa kakese kumpala kua kupita ku bukuabu, ne upita ku bualu bunene bukuabu bipepele.