Malu mapiamapia adi akuatshisha bantu

1 Kolinto 9:19-23

TSHIA KUENZA: Saka bateleji ku diela meji, bashala bumvua ne: mbalonge bualu kampanda bua mushinga.

MUA KUTSHIENZA:

• Tabalela malu akadi bateleji bebe bamanye. Pamutu pa kuambulula anu malu akavuabu bumvue, bambuluisha bua kumvua tshiena-bualu atshi mu mushindu mupiamupia.

• Enza makebulula, welanganapu meji. Padiku mushindu, amba kabidi malu adibu kabayi bamanye bimpe anyi malu adi menzeke mu bantu bua kushindika ngenyi minene. Elela muyuki webe meji bikole ne mudiwu upetangana ne malu adi menzeke audi ujinga kuamba.

• Leja dikuatshisha didi nadi muyuki webe. Umvuija mudi malu adi mu mvese mua kuambuluisha bateleji mu nsombelu wabu wa buatshia buila. Akula bua nsombelu misunguluke, bikadilu, ne ngenzelu wa malu bidi bitangila bateleji bebe.