Dileja dikuatshisha didi nadi malu patoke

Nsumuinu 3:21

TSHIA KUENZA: Ambuluisha bateleji bebe bua bumvue mudi tshiena-bualu tshiebe tshibatangila, ne baleja tshia kuenza ne malu adibu balonga.

MUA KUTSHIENZA:

• Ikala ne bateleji mu lungenyi. Dianjila kuela meji bua tshinyi bidi bikengela bua bateleji bebe bumvue malu awabambila, ne ukebe mua kumanya malu a mu tshiena-bualu tshiebe adi nangananga mua kubambuluisha.

• Mu muyuki webe mujima, enda uleja bateleji tshia kuenza. Kubangila anu ku ntuadijilu, muteleji yonso adiumvue ne: ‘Bualu ebu budi buntangila.’ Paudi wenda wakula bua bualu buonso bunene, leja mua kubutumikila. Amba malu masunguluke pamutu pa kuamba mu tshibungi.