DILONGA DIA 1

Mêyi a mbangilu adi akoka ntema ya bantu

Bienzedi 17:22

TSHIA KUENZA: Mêyi ebe a mbangilu adi ne bua kujula bantu nyota, kuleja tshiena-bualu tshiebe patoke, ne kuleja bateleji bebe muditshi tshibatangila.

MUA KUTSHIENZA:

Jula bantu nyota. Sungula lukonko, tshiambilu, bualu buvua buenzeke, peshi malu a ku tudiomba adi mua kukoka bateleji.

Dianjila kuela meji a malu adi mua kusankisha bateleji bebe ne a ntatu yabu, nunku wenze bua mêyi ebe a mbangilu apetangane ne malu au.
Leja tshiena-bualu tshiebe patoke. Dienzeja bua mêyi ebe a mbangilu atokeshile bakuteleji tshiena-bualu tshiebe ne tshiudi wipatshilamu.
Leja mushinga wa tshiena-bualu. Enza bua biudi wamba bipetangane menemene ne majinga a bakuteleji. Badi ne bua kumona bimpe mudi tshiena-bualu atshi mua kubambuluisha.

Wewe ulongolola muyuki, diebeja ne: ‘Mmalu kayi atu atatshisha bena mu tshisumbu tshietu?’ Pashishe ulongolole mêyi a mbangilu adi apetangana ne majinga abu.