Muanda wa mushinga mukole mu Mianda ya bantu

Bua tshinyi nanku? Muanda eu ndufu lua Yezu Kristo.

Wakambuluisha bua kujadika bumfumu bua Yehowa ku mutu kua bionso ne kushindika se: muntu uvua mua kulama menemene muoyo mutoke kumpala kua Nzambi. Wakunzuluila bukua-bantu njila wa muoyo wa kashidi mu Mparadizu. Kumpala kua kufuaye, Yezu yeye nkayende wakabanjija tshivulukilu tshia lufu luende butuku kumpala kua kufuaye.

Bivua difesto dipepele, kadivua dikeba bia kuenza kabukabu. Mu tshikondo atshi, Yezu wakambila balongi bende ne: “Tungunukayi ne kuenza nunku bua kumvuluka.”​—Luka 22:19, 20. Neuvuluke pebe muanda eu anyi? Bantemu ba Yehowa badi bakubikila bua wewe kudisangisha nabu bua kuvuluka muanda eu wa mushinga mukole mu Mianda ya bantu. Tshidimu etshi, difesto edi nedienzeke mu dibidi dia 6 Avril, kunyima kua dibuela dia dîba.

Bu wewe mua kusua, webeje Bantemu ba Yehowa ba muaba uudi musombele bua kumanya dîba ne muaba bijalame. Dibuela didi patupu, kakuena difuta dia mfranga nansha, ne bakumbudi mbalombibue bua kuteleja muyuki udi wibaka ne kubándila patupu mushindu udi difesto edi dipepele dienzeka.