Badi badisanga ku dîku dia buobumue

Bivua mu dia 7 Tshimungu 1993, mu tshipalu tshia Republican Stadium ku Kiev, Ukraine. Bateleji bapite pa 64 000 bavua bindile ne mutshima kulukulu dikumbana dia dîba dia mushinga mukole. Pashishe, buobo bamane kuandamuna ku nkonko ibidi idi ne diumvuija dia mushinga mukole buabu buobo, bantu binunu bivule bakandamuna ne dîyi dikole ne: “Da!” (“Eyowa!”) Ku diandamuna edi, bakenza dimanyisha dia patoke dia ditabuja diabo ne pashishe bakafila tshimanyishilu tshia dilambula dia bumuntu buabu kudi Yehowa Nzambi pa kutambuishibua mu kamue ka ku tujiba tusambombo tuibaka mu tshipalu.​—Matayi 28:19.

Nunku, mu dituku edi disatu dia mpuilu wa bukua-matunga wa Bantemu ba Yehowa “Dilongesha dia Nzambi,” bateleji bakabandila muanda wa tuyayi tukamone: bantu 7 402 bakatambuishibua ne kuvuabo musumba, ki ng’wa bena mu Ekleziya mudiabulule, apo wa bena mu tshisumbu tshia bena nkristo badi mu buobumue pa buloba bujima.

Biwajinga kulonga bivule pa buobumue bulelela bua bena nkristo, anyisha ufundile Association “Les Témoins de Jéhovah” B.P. 634 Limete, Kinshasa, peshi mukuabu wa ku adrese idi mu dibeji 2.