Utshidi uvuluka anyi?

Uvuaku mutabalele nimero ya ndekelu ya Tshibumba tshia Nsentedi anyi? Bikalabi nanku, nebikusankishe bua kuvuluka ngenyi idi ilonda eyi:

▫ Ndishilangana dikole kayi didi pankatshi pa muntu ne nyama?

Dishilangana dikole didi pankatshi pa muntu ne nyama ndishindamene pa mmuenekelu, makokeshi ne ntumikilu wa buongo. Bua nyama, pa kuamba bionso bidi buongo bukumbaja bikavua bimana kufundamu bilondeshile etshi tshiakavua kubikidibua se: meji a tshingenyingenyi. Kadi, kabiena nanku bua muntu nansha. Nzambi wakapesha bantu tshipedi tshia kudiangatshila mapangadika ku budisuile. (Nsumuinu 30:24-28)​—4/15, dibeji 5.

▫ Mmushinga kayi uvua nawu misambu mu ntendelelu uvua wenzeka mu ntempelo wa bena Izalele?

Mijiki, nangananga bimbi ba misambu, bavua ne muaba munene mu ntendelelu, ki ng’anu bua kulongesha malu manene a mu Mikenji, kadi bua kufila mmuenenu muakane bua ntendelelu. Yakambuluisha bena Izalele bua kutendelela Yehowa ne musangelu. (1 Kulondolola 23:4, 5; 25:7)​—5/1, dibeji dia 10 ne dia 11.

▫ Nditabalela dia mushindu kayi didi bana bakengela bituadijile ku buana?

Baledi badi ne bua kutabalela muana utshidi ufuma ku diledibua ku dîba ne ku dîba. Paulo wakafunda ne: “Katshia ku buana udi mumanye mikanda minsantu, idi mua kukuvuija muena meji bua lupandu.” (2 Timote 3:15, NW) Nanku ditabalela dia baledi diakababidila Timote katshia ku buana, divua kabidi dia mu nyuma.​—5/15, dibeji dia 11.

▫ Mmalu kayi anayi adi ajadika ne: Bible udi ne mukenji wa Nzambi bua bukua-bantu?

(1) Dipetshibua. Bible udi mua kupetshibua kudi bia pa lukama 98 bia bantu pa buloba bujima. (2) Bulelela bua miyuki yende ya kale. Bible udi ne malu a kale malelela, pamutu pa mianu ikena mua kujadikibua. (3) Buenzeji buende buimpe. Mêyi-matuma ne mêyi-maludiki ende adi aleja njila wa muoyo udi utuadila badi baalamate masanka. (4) Bulelela bua milayi yende. Mmukanda udi usulakaja tshiavua kuenzeka matuku alua.​—6/1, mabeji a 8, 9.

▫ Mbujitu kayi budi busuikakaja ku dijingulula ntendelelu mulelela?

Diakamue patudi tujingulula ntendelelu mulelela, tudi ne bua kuasulula mioyo yetu bua kuikalayi mu diumvuangana nende. Udi njila wa muoyo. (Musambu wa 119:105; Yeshaya 2:3)​—6/1, dibeji dia 13.

▫ Bua tshinyi dilonga dia Bible dia muntu pa nkayende didi ne mushinga mukole?

Bua kushala basadidi ba Nzambi ba disuminyina, yonso wa kutudi udi ne bua kupingajilula disanka diende ne makanda ende ku dituku dionso pa kujingulula malu mapiamapia anyi muondoke a bulelela budi mu Dîyi dia Nzambi. Mu mushindu’eu badi bamona mua kushala batabale mu nyuma.​—6/15, dibeji dia 8.

▫ Anu bu mudiwu mutumike nawu mu Bible, muaku “mpekatu” udi umvuija tshinyi?

Miaku ya pa muanda ya tshiena-Ebelu ne tshiena-Greke idi mikuatshibue nayi mudimu mu Bible bua kufunkuna “mpekatu” idi yumvuija “kupangila,” mu ngumvuilu wa kupangila anyi kubenga kufika ku tshipatshila kampanda, tshiludikilu anyi dipangadika kansanga. Bena dibaka babidi ba kumpala kabakafika kabidi ku butumbi bua Nzambi, bakapangila kabingila kabo ka difukibua diabo ku tshimfuanyi tshia Nzambi. Mu mêyi makuabo, bakenza mpekatu. (Genese 2:17; 3:6)​—6/15, dibeji dia 12.

▫ Bua tshinyi kubala mikanda ya batontolodi nkubula meji?

Imue ya ku mikanda ya batontolodi idi ileja malu a dishima ku “mei a lubombo” ne “mei a mashimi” (Lomo 16:17, 18; 2 Petelo 2:3) Mifundu yonso ya batontolodi idi anu ijana ne yabulujangana. Kamuena tshintu nansha tshimue tshidi tshiibaka.​—7/1, dibeji dia 12.

▫ Ditunga dia Grese divua mpokolo wa demokrasi anyi?

Mu Grese wa kale, demokrasi uvua wenjibua anu mu bimenga bikese, ne nansha kuinaku amu balume ke bavua bela tukanda [tua masungulangana]. Ebi bidi biumvuija ne: bantu bitupa binayi pa bitanu bavua bashiyibua ku luseke. Kabivua bukokeshi bua tshinsangasanga anyi demokrasi to!​—7/1, dibeji dia 16.

▫ Ntshinyi tshidi tshilubuluja dibaka dia bena nkristo?

Mpadi mulume ne mukaji batumikila mmuenenu wa Nzambi wa tshisuikidi tshia dibaka ne benza madikolela bua kuikala ne nsombelu udi mu diumvuangana ne mêyi-maludiki a Dîyi diende. (Efeso 5:21-33)​—7/15, dibeji dia 10.

▫ Mmunyi mudi dilonga dia dîku diebe mua kuikala dia musangelu?

Enza madikolela bua se: bana buonso badibuejemu ne kasuki. Wikale ne mmuenenu muimpe ne udi wibaka, ne musangelu wonso ela bana bebe ka-lumbandi bua mumvuija abo. Tshipatshila tshiebe katshikadi anu tshia kujikija dilongesha kadi enza madikolela bua kulenga mioyo ya bana bebe.​—7/15, dibeji dia 18.

▫ Ntshinyi tshidi tshisuikakaja ku tshiambilu: “Anu padibo bamba ne: ‘ditalala ne dikubibua!’” (1 Tesalonike 5:3)

Manya ne: Bible kêna wamba nansha kakese ne: matunga neabueje “ditalala ne dikubibua.” Nebikale pamu’apa babiakula mu mushindu wa pa buawu, pa kueyemena se: tshikondo “tshiakane” netshibavuile ne dishindika divuabo kabayi nadi kumpala. Mishindu ya kubueja ditalala ne dikubibua neyimueneke bu idi pabuipi kupita muvuabi kumpala.​—8/1, dibeji 6.

▫ Têla mishindu isatu idi Yehowa uleja ditshintshikila.

Yehowa wakaleja mudiye mudiakaje bua kufuilangana luse. (Musambu wa 86:5) Ku budisuile utu ushintulula ngenzelu wende wa malu padi nsombelu mipiamipia ipatuka. (Tangila Yona, nshapita 3.) Kupita apu, Yehowa wakadileja yeye muine mutshintshikidi mu dienza mudimu ne bukokeshi buende. (1 Bakalenge 22:19-22)​—8/1, mabeji a 12-14.